DivertiMento's Plauder-Lounge
Nicht angemeldet [Anmelden ]
Gehe zum Ende

Druck-Version  
Autor Betreff: Winterpause-Tummelwiese für Gelangweilte
Vivi
Plauderchnoschpe-Member
**




Beitrge: 32
Registriert seit: 15-12-2013
Wohnort: Zürich
Mitglied ist Offline

Motto: Kein Motto

[*] Verfasst am: 6-1-2014 um 21:01
Winterpause-Tummelwiese für Gelangweilte


Best Of Gästebuch-Einträge März 2006 bis Januar 2014

Da s‘grad wunderbar zu de Swiss Award-Nominierig passt, hanich es chlises neus Projektli gestartet und zwar: Best of Guest Book Entries vo de letschte siebe Jahr!
Ich han die 920 Siitene meh oder weniger gnau duregläse und bin jetzt unglaublich viel gschiider, s hät sich also richtig glohnt ;-)
Im Durchschnitt han ich 1min pro Siite gha, öbe 30 Minute glached und bin ufere emtionale Achterbahnfahrt gsi zwüsched: fremdschähme, herzig finde, Bewunderig gegenüber dä gwüsse Lüüt ihrne tegschtliche Begabige und schlussendlich riesegrossem Respäkt vor dere Person, wo für d Homepage inklusiv Guest Book verantwortlich isch und da dä Überblick hät muesse palte.

Let’s start mit de Best Of Gästebuch Einträge von DivertiMento!
Kursiv in Chlammere sind mini Kommentar und sii sind allisamt nöd allzu ernscht gmeint, han eifach nöd überall welle es Doppelpunkt-Bindesprich-Zueni-Chlammere welle anehänke…

Best of kreativgeilschti Frage:
Platz 1: Mini Kollegin hät gseit, ihr heged eu trännt, stimmt das? Antwort Jonny (Zitat): Ich weiss nöd, was dini Kollegin graucht het, aber mir händ üs überhaupt nöd trennt. Mir sind am Erarbeite vom neue Programm… Egal, seisch de Kollegin en Gruess und frög sie, öbs ächt holländischs Gras gsi säg?! Das zieht mängisch so ine, het de Gianfranco gseit. (geilschti Antwort womer uf sone Frag chan gäh! Kompliment!)
Platz 2: Wänn ich es Ticket chaufe, isch dänn d „Galerie“ nüme im Saal ine? (Nei, leider nöd, aber defür häsch im Foyer dänn s Cüüpli bevor alli andere i de Pause useränned und müend ahstah…)
Platz 3: (während Plan B-Spielzeit) Ist im Herbst dasselbe Programm zu sehen wie im Frühling? Oder heisst es einfach nur gleich? (Bi Divertimento gits neuerdings saisonali Programms, wo denn au na alli gliich heissed… Wär söll denn da na druus cho…)
Platz 4: Wieviel müemer zahle wemmer hinder d Bühni wennd? (es Ziitli spöter hät sich denn au sogar öber für d‘ Ziit Backstage bedankt… Also muess das priislich im Machbare gläge sii)
Platz 5: Was isch das füre Hose-Marke wonir uf dä Bühne ahhänd (blau), ich wett mim Fründ die gliichige chaufe! („Hey Schatz, luug ich han dir Jeans kauft, die händ Divertimento au und ich find die so geil!“ Öb jetzt d Hose oder d Divertimentos hängt dänn vo de Interpretation vom Partner ab…)
Platz 6: Ist Lisa oder Lilly der schönere Name? (falls dim Bäbi oder Chind wetsch en schöne Name gäh, gasch am beschte uf vorname.ch oder suscht taufschs Manuel/a und Jonathan/Johanna, dänn händ au alli Froid!)

Best of Kurioses:
Platz 1: Saaldoppelbelegig und dementsprechend Programmkollision mit „Das Dschungelbuch“. (Wie das usgange isch, nemmt mich na wunder…)
Platz 2: Dä Plan vonere Predigt mit dä Szene „Mäge In Der Hölle“ für en Jugendgottesdienscht.
Platz 3: Dä Iichauf vomeme Chuchimixer oder 10 Packige Wöschmittel im Coop füres Ticket (ab 200.- Iichauf und es hät müesse schnäll gah wäg de viele Lüüt).
Platz 4: D Programm-Idee vomeme Bueb: Manu, du könntest ein Polizist sein und Jonny verhaften. (kurios i dem Sinn, dass das ja eigentlich in CSI Züri-Oberland passiert… Vo wäge Vorschläg vo dä Fäns sind alli scheisse…)

Best of doof-bis-fremdschäm Iiträg:
Platz 1: Liebesgeständnis wo mit dä Jahr immer konkreter und direkter worde sind (inklusiv Ahgebot für Email-Adresse, Telefonnummere, Dates und Chind).
Platz 2: Chömed mal nach XY! (und debii wird dä Ortsname in Jugendsläng so abkürzt, dass es numena die zäh Nase vom gliiche Pauseplatz verstönd).
Platz 3: Schriibed bitte zrug! (und uf was gnau?!)

Best of Läse-Missverständnis:
Platz 1: Ich han na kei Show verpasst! (Ui, dich wetti mal kännelerne! Also nöd wäg em viiele Stutz, dim Glück bi de Ticket-Prüglete und dinere viile Freiziit, sondern meh zum über dä Underschiid vomeme Programm und ere Show/ Vorstellig z rede)
Platz 2: Chamer eu au füren Event miete? (also ich miete Schliifschue für uf d Iisbahn und d Feriewohnig in Italie… Lüüt duenich normalerwiis engagiere oder uf düütsch chli langwiiliger „bueche“)
Platz 3: Ich lueg jede Tag Plan A uf youtube! (ich wot au! Häschmer dä Link?!)
Platz 4: Chönder mer es Mail mit Underschrift schicke? (Mh, mit dä hüttige technische Mittel wäri das sicher möglich, aber ich underschriibe mini Mails au nie wills im Paint-Programm inne immer so verwaggled wännis vo Hand versueche…!)
Platz 5: (rächt hüüfig) Eues Konzert isch so super gsi (oder ähnlichi Uusage)! (Ähm Konzert?! Sii chönd ja scho sehr schön singe, aber also füres Konzert redets mer dänn doch na chli z viel…)
Platz 6: blablalbla hüt hanich… blablabla und denn hät mis Mami gseit… und i dä Schuel hät de Lehrer blablaba… (es git en chline aber wichtige Underschiid zwüsched eme Tagebuech und eme Gäschtebuech. S einte isch rosa mit Delfinli und liit näbet dim Bett und s andere isch öffentlich uf dä Homepage zugänglich und chönd alli Lüüt läse… Au diis Mami und din Lehrer)

Best of Dr. Sommer-Iiträg
Platz 1: (Zitat) Es gibt einen süssen Jungen in meiner Klasse, er zieht in ein anderes Land ich sehe ihn nie wieder! Ich weiss nicht wie ich es verkraften soll. Ein anderes Problem von mit ist zwei Jungs lieben mich, ich finde beide süss aber welchen nehme ich? Ich suche eine gerechte Lösung. (Lektion 1 der Liebe: Sie ist selten gerecht! Sollte es dir mit beiden ernst sein, kannst du a) abwechseln b) eine polyandrische Beziehung eingehen oder dann c) auf den Richtigen warten.)

Best of Drama:
Platz 1: Alles, wo mit Tickets und mit em Chaufe vo dene zute hät a.k.a. Ticketprügglete… (Läck du mir, ich chan ja verstah wännd d Lüüt entüüscht sind, wenns kes Ticket meh bechömed, aber spötischtens nach underdesse doch es paar Versüech sött au bi dä letschte duregsickered sii, wiemer das am beschte macht (nei, nöd am PC sitze und denn am Abig druuf s Gäschtebuech vollbrüele und dä Divertimentos d Fän-schaft chünde..)
Platz 2: Di wahrschiinlich bis hüt nöd erhöhrte Liebesgeständnis, was natürlich sehr fiis isch, wo die beide doch di gross Liebe vom Läbe vo mindeschtens 150 Maitli / Fraue im Alter vo 13 bis 30 gsi sind… (erchänbar übrigens a dä Diräktheit vom Iitrag… und a dä Jugen-Formulierige im andere Fall).

Best of Divertimento-Treffen (kei Gwähr, dass die würklich alli stattgfunde händ)
Platz 1: Migros a dä Kasse und dä Manu laht eim sogar füre… (so nett! Was seit ächt da Coop derzue?!)
Platz 2:Flughafe Check-In
Platz 3: Bryce Canyon USA
Platz 4: Uf dä Autobahn Züri Richtig Chur uf de linge Spuur ferbiizischt (also nöd dä Schriiber vo dem Iitrag sondern dä Jonny, verstaht sich voneillei oder?!)
Platz 5: Alpamare
Platz 6: Jonnys Taxi-Service ins Zuger Hinterland
Platz 7: Wiehnachtsmärt, Zibälämärit, Chürbisfäscht
Platz 8: Zoo
Platz 9: Fotigschäft
Platz 10: Restaurant-Bsüech vor Vorstellige i diverse Städt

Best of Standard-Iiträg
Platz 1: Ihr sind so …. (wahlweise ein beliebiges begeisterungsausdrückendes Adjektiv einfügen und mit vielen Mehrfachvokalen und Ausrufezeichen versehen)
Platz 2: Ich bin euer allergrösster Fan! (wahlweise mit einigen „aller“ mehr und Mehrfachvokalen)
Platz 2: Wieso gits scho kei Tickets meh für Ort-XY? (will all verchauft sind und du leider z spaat bisch, ätschipätsch!)
Platz 3: Gits irgendwo na Tickets für Ort XY? und Hät na öber Tickets für Ort XY?
Platz 4: Ich bin euer grösster Fan! (nei, das isch leider dä, wo obe gschriebe hät er segi dä „allergröschti Fan“, weisch mer müend da fair bliibe!)

------------------------------------------------------------------

Sodeli, das wärs scho wieder gsi vo minere Siite... Ich wünsch eu allne na en schöne Drüü-Königs-Abig!
Benutzerprofil anzeigen Alle Beitrge des Benutzers ansehen
funny_girl
Hardcore-DivertiMento-Junkie
*****


Avatar


Beitrge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 7-1-2014 um 19:21


De allerbescht iitrag, isch de wod Cheyenne vor de Derniere im Casino-Theater-Reschtorant vorglese het und nochher de Chellner bhauptet het, heg sie sicher selber gschriebe. :lol:
Benutzerprofil anzeigen Alle Beitrge des Benutzers ansehen
Vivi
Plauderchnoschpe-Member
**




Beitrge: 32
Registriert seit: 15-12-2013
Wohnort: Zürich
Mitglied ist Offline

Motto: Kein Motto

[*] Verfasst am: 7-1-2014 um 22:27


Verzell.... Was isch das für eine gsi?!
Benutzerprofil anzeigen Alle Beitrge des Benutzers ansehen
funny_girl
Hardcore-DivertiMento-Junkie
*****


Avatar


Beitrge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 7-1-2014 um 22:36


Halt eini vo de alt bekannte GB-mit-Tagebuech-Verwechslerinne...
Aber i chönt der ehrlich gseit nüme sicher säge, weli gnau dass es gsi isch...
Benutzerprofil anzeigen Alle Beitrge des Benutzers ansehen
Vivi
Plauderchnoschpe-Member
**




Beitrge: 32
Registriert seit: 15-12-2013
Wohnort: Zürich
Mitglied ist Offline

Motto: Kein Motto

[*] Verfasst am: 7-1-2014 um 22:42


Hihi, ja guet vo dene häts au meh wie gnueg zur Uuswahl... :-) Aber dänn d Cheyenne verdächtige, das isch scho chli fiis vom Chällner... ;-) Also ich han mich bin Gäschtebuech duregläse meh wie nur es paar Mal gröber gfrögt, was gnau dä Sinn hinder gwüsse Iiträg isch, rsp öbs überhaupt en Sinn händ! Und wie tüüf d Hämmschwelle bi gwüsse Lüüt offesichtlich liit... Aber zum s Best Of schriibe ischs luschtig gsi... :-)
Benutzerprofil anzeigen Alle Beitrge des Benutzers ansehen
Vivi
Plauderchnoschpe-Member
**




Beitrge: 32
Registriert seit: 15-12-2013
Wohnort: Zürich
Mitglied ist Offline

Motto: Kein Motto

[*] Verfasst am: 12-1-2014 um 21:24


Bin uf dä suechi nacheme original-lied: video entstehung plan b, teil 2, öbe bi 10:35min. S isch spanisch/italienisch und mich nämtis wunder öb das made by manu isch oder öbs das so im ächt git...?! Weiss das grad per zuefall öber vo eu?! Meeeerci!
Benutzerprofil anzeigen Alle Beitrge des Benutzers ansehen
Cheyenne
Administrator
********


Avatar


Beitrge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 30-1-2014 um 09:12


@Vivi

Das vo Dir gsuechte Lied isch e freestyle Komposition vom Manu himself ;)





www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beitrge des Benutzers ansehen

  Gehe zum Anfang

Powered by XMB
XMB Forum Software © 2001-2012 The XMB Group