DivertiMento's Plauder-Lounge
Nicht angemeldet [Anmelden ]
Gehe zum Ende

Druck-Version  
 Seiten:  1  2    4  ..  40
Autor Betreff: Plan B Show-Nachlese
black
Plauderchnoschpe-Member
**




Beiträge: 42
Registriert seit: 6-10-2009
Wohnort: Thurgau
Mitglied ist Offline

Motto: Das Leben ist zu kurz um nur TrĂĽbsal zu blasen. Es lebe der Humor!!

[*] Verfasst am: 1-11-2009 um 11:07


Also, mini Damä und ähhh.... genau, Herrä.

Es isch Friitig, dä 30. Oktober 2009. Ortsziit öpä ääähhhhh, so churz vor dä siebnä.
Min Sohn und ich mached üs uf dä Wäg nach Frauäfeld. So nach öppä 20min. (gfühlti Stundä, " Wenn fangt's aa? Chömmet mir nid z'spot? Sind mir scho doo? ect.) Fahrziit sind mir denn aacho. Hösch en Parkplatz gsuächt und uuiiii gfundä, sind mir denn Richtig Casino pilgeret.
D'Vorfreud stiegt und stiegt. No schnell ä chlini Erfrischig zu eus gno, sind mir denn uf üsi Plätz.
Vierti Reihe schön i dä Mitti. :smilegrin:
20:00 Uhr, endlich es fangt aa. Yeah, scho vom erschtä Moment aa händ mir üs eine abgröhlet. :lol::lol::lol:
Nur dä rechts vo mir nöd: Uuuaaaahhhhh, Spassbremse- Alarm!!! :grind::grind::grind:
Nach dä Pause, ohhh welch Wunder, hät dä doch tatsächlich au mol chönä lachä (viellicht hät ihm sini Fründin i dä Pausä chli Druck gmacht, wer weiss). :smirk:

Poahh, hammer gsi. Sensationell!!!!! :thumbup: :yes::yes::yes::thumbup:

Nach der Show natürlich en riiesä aadrang vor denä zwei. Min sohnemann :"Mami, ich wott au es Autogramm!!!"
Klar doch, mir wartet jetzt eifach chlii bis diä meischte gange sind.
No churz es bitzeli Groupie-Alarm :crazy:, aber nur schüüch. Zwei Mädels vor mir:"Läck, häsch em Jonny sini Augä gseh? So Blau wiä en tüüfä Bergsee." Öb diä ächt scho mol en Bergsee gseh händ?
Egal, irgendwenn hät min Sohnemann sis Autogramm gha.

Denn händ mir üs mit liächtem Suurstoffmangel,aazeiche vo Muskelkater i dä Buchregion, und Lachträne i dä Augä uf dä Heiwäg gmacht.
Mit viel Lachä und erä liächtä Verzögerig (chunnt devo, wenn mer vor luuter Lachä dä Abzwiiger verpasst) dihei aacho.
Natürlich sofort minerä angetrautä Hälfti müässä Bricht erstatte. Isch ihm glaubs chli z'viel wordä, wo dä Sohnemann und ich vollgas geh händ.

Uf alli Fäll en absolut unvergässlichä hammergeile Obig gsi!!!!


Ps: Wer Schriibfähler findet dörf sie bhaltä!!!!
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 15-11-2009 um 13:19
14.11.2009 Stadtcasino Basel


Eigentlich hätt das Geschter e Gschäftsusflug ins Stadtcasino sölle wärde. Geschter am 11.00 h lütet s’Delefoon, äs chönti e Aruef si… Mini unbestritte besseri Hälfti vom T-Team isch krank. Sie, wo eigentlich am Meischte vo mim DivertiMento-Splean live ab überchunt. E halbs Joor lang Privat-Thema Nr. 1 bi uns im Büro: 14.11.2009 Plan B. Und als wäri das nid scho gnueg; ihres Härzblatt mit ere Zünddarmverblindig au no grad notfallmässig im Spital… Tschuldigung gschwind, dr Frytig 13. isch doch scho verbi?!? Briggäää (aktive Member vom Sömmerbreik-Geschtbuuk), Euch zwei Härzlis ganz gueti Besserig!!! Tix tüschle und in zwei Wuche bisch Du drbi. Zwar nümm 1. Reihe…, Du hesch es jo nid anders welle, grins, egal… wird au so garantiert megaaa!!!

Sodeli, wenn öper höchscht flexibel und obedruf no e riesegrosse DivertiMento-Freak isch, do muess meh nid lang go sueche: Mis Mamiii!!! Sie het sich denn monschtermässig gfreut, dass sie Euch jetz scho live cha gseh und nid erscht in e paar Wuche. Bäi dä weeei, Wiehnachte findet das Joor bi uns scho am 27.11.2009 statt. Sie cha unmöglich warte. Verkehrti Wält! Erscht rächt nachdäm sie s’hammer „Making of“ gseh het!!! Dr igladeni Bsuech isch churzerhand abgseit worde, und so simmer zämme zum Stadtcasino gstieflet und hän erscht no in dr 1. Reihe Platz gno… Wenn das numme guet use chunt. S’anderi T-Team isch hinde dra gsässe.

Unseri zwei DivertiMentos sin wie immer exzellänt guet druff gsi und s’Basler Publikum het sich nid minder beschter Luune erfreut. Es isch fit gsi wie e Turnschueh und het die Party g’rockt grad vo Afang a.

@DivertiMentos
Zitat us em aktuellschte Newsletter: „Für alle, die (hoffentlich) nie genug von uns kriegen“
An dere Stell chani Euch mit gaanz guetem Gwüsse beruhige. Das isch überhaupt gar nid möglich!!! Es wird nämlich jedes Mol no besser. Au nach em Xte Plan B Bsuech; Es isch eifach immer wieder e Hochgnuss. S’dupfe glichi Programm und doch immer wieder anderi Finesse din. Und an d’Hardcore-Freaks, das mol bini 100% sicher, isch d’Seles us em Programm kickt worde! (À la fallen angel: Walà)

So deheeenn chunt dr Asharan usegstoche. Mit dr Intelligänz (Jonny isch definitiv nid nochtragend!) und de Chleider simmer zum guete Glück komplett verschont bliebe. Jäää, aber z’früeh gfreut. Scho trifft mi dr Blitz und es heisst: „Tüüüüüf in d’Auge luegäää!!!“ Asharan, hesch susch no paar frommi Wünsch??? Es isch jo scho e Ding vo dr Unmöglichkeit, Dir mit Sinn und Verstand tüüf in d’Auge z’luege. Aber wenn dr Heini näbe dra denn au no umejogglet und „huärä-drischnurrt-Mann-he“.
Pardon…, NÖÜ TSCHÄÄÄÄÄNS!!! Wieder, Konzentration: „Tüüüüf in d’Auge luegäää!!!“ Nei, i brings eifach nid fertig. Fascht gstorbe und vom Stuehl gheit vor lache. Denn wär dr Asharan no rächt ungeduldig worde. 3. Chance für Cheyenne: „Tüüüf in d’Auge luegäää!“ Okay, okay, i gib mir jo e heide Müeh, gäll. Fascht nüt meh gseh…, Träne glacht. Und denn seit är au no: „Dir sit mängisch nid eso glücklich!“ Sorry, d’Träne woni mir ha müesse abwüsche sin denn esooo öpis vo falsch interpretiert worde.

Guys, i kenn kei Superlative meh, woni nid schomol gschriebe hätti. Aber mis Mami (ich natürlich au, ischt ja kchlar) wartet uf jede Fall scho sehnsüchtig uf e nägschti Vorverkauf! Sie isch zmitzt din anstatt nur drbi. Sie isch nämlich e flissige Geschtbuuk, Löinschli und sit Neuschtem au FB-Läser!!!

Cheyenne
Benutzerprofil anzeigen Homepage des Benutzers besuchen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 16-11-2009 um 13:32


hahah!!! :lol:

so genial!!!

no zu mim absolute lieblingswort...
walà... ds het me drvo, wenn me nöime büglet, wo de gad dr röööschtigrabe ir nöchi isch... abr mal ehrlech... i bringe ds walà ifach nüm furt...!!! :smilegrin: ghört jetz ifach zu mim feschte wortschatz... wenn öper seit: "ah ja, dir heit rächt!" seits be mir ifach: "walà!" :lol:




Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 19-11-2009 um 20:30
18.11.2009 FAN-KURVE in dr 1. Reihe, Saalo di Lorzo


Liebi DivertiMentos. Ähm, langsam wird’s unglaubwürdig… is doch miiir egaaal!!! Aaaber Geschter, aso Geeeschter… jouuuu Geschter…
I säge numme: „Front-Row-Seats-Ultra-Extreme-Hardcore-DivertiMento-Junkies-Driven-Crazy“ in Villa Lorzo di follio!!! DivertiMentoMania-Feeeever total!!!

Denn hani mol d’Plätz abzellt, 7 Plätz wyter isch scho s’Nic gsi. Es het mi denn seeeehr gfreut, Di emol persönlich z’träffe. Leider hämmer denn vorhär nümm so viel Zyt gha. Ich find Di unermüedlich Ysatz für uns Fans denn also coooooool!!! Messi Tussi vielmol!

Okay, es het grad agfange. No nöcher chame jo gar nümm sitze, d’Stelze hani fasch an dr Bühni aagschlage. Mir hän denn die volli Laadig DivertiMento ab becho, meh goht jetz nümm. 1000%ig unmöglich, will d’Überläbenschance für e söttigi Show stöhn susch relativ schlächt. S’Suurstoffzält het jetz ändgültig dr Geischt ufgäh!!!

Also, d’DivertiMentos kenne s’Programm jo sälber guet gnueg, immer no besser wie mir (D’Seles isch denn wieder Teil drvo.) Ebe jo, hämmer dänkt... S’Kapitel 5-Ängeli het denn au e Lokomotiva-Plakaat für e Gianfranco uf d’Bühni glängt, wo dankend agno worde isch. S’Cheyenneli isch drfür Geschter am Nomidaag no go läädele und isch zielsträbig in e Gschäft für Übergrössene inegschtürchlet.

Cheyenne: „Füehre Sie au Unterwösch?“
Verkäuferin: „Jo?!?!??? Aber, es duet mir leid, numme ab Konfektionsgrössi 42!“
Cheyenne: „Perfekt, welles isch die gröschti Grössi wo Sie füehre?
Verkäuferin: „Grössi 60, aber äh…“ (Dr Chiinilade isch immer wyter zum Bode abegheit!)
Cheyenne: „Wunderbar, ich hätti gärn drei vo de gröschte und hässlichschte Unterhose wo’s git.“
(D’Verkäuferin het nach Luft grunge)
Cheyenne: „Es isch mir ärnscht, aber es isch für e Gag dänkt!“
Verkäuferin: (S’Gsicht het grad wieder d’Standardfarb agnoh) „Ah, jetz isch s’Zwanzgerli abe…, scho welle sage.“
Cheyenne möchti zahle.
Verkäuferin: „Sooo, sie dörfe jetz dr PIN iigäh. Ah, e chline Momänt no bitte… Jetz, sooo... WALÀ!“
Scheisse, Mann, @fallen angel!!! I ha so müesse afo grinse, um nid z’sage afo lache. Und d’Verkäuferin het sich ihre Teil sicher dänkt! Jo, das zieht langsam Kreise, ich mach mir diräkt Sorge um mi sälber.

Lüt, sit Kirchbärg isch dä Momänt vo langer Hand plant worde und Geschter z’Obe isch es sowyt gsi. Zäck, dr Italo-Star alias Jonny schwäbt uf d’Bühni und foht afo singe. Dr Jonny isch voll in sim Elemänt gsi, aber voll konzentriert uf si grosse Uftritt und bechunt denn aso rund ume nüt mit, was so passiert. Die wiibliche unter uns Freaks hän in dr Pause alli zämme e so e riese Lappe vo Unterhose in d’Hand druckt becho und hän sie alli zämme, nachdäm d’Stringtangas uffe gfloge sin, hinde noche gschosse. Dr Jonny hets nid tscheggt är het wieder mol e aschtreini Performance abglieferet…

Aber elei em Manu das schelmischi Grinse z’entlocke, dört wo dr Schalk denn brättlibreit im Nacke sitzt, isch denn dä Gag allemal wärt gsi. Genau wie bi minere Lieblingsszene do:
( http://www.youtube.com/watch?v=mG_9WV3dkT8 lueg 6:37 Min)
Und denn het är für e Jonny so schön uf e Bode zeigt, wo die Zält gläge sin.
I ha nümm chönne ane luege, mi hets fasch verrisse!!! Es isch die volli Härti gsi!!! Bi fascht gstorbe!

Schwein hämmer denn gha wie verruckt, dass dört d’Sekiuritis nid ygriffe hän. Aber mir hän denn glich nid drmit grächnet, dass dr Manu uf dene Läppe fascht usgrutscht wäri. Das wärs no gsi, dr imörtschensi GABI-Ysatz im Ärnschtfall. Tchööööss, mir dörfe gar nid dra dänke.


Aber ischt alles noch mal gut gegangen. Und dr Jonny het am Schluss denn s’Allerhässlichschti vo dene Plaane ufghebt und zu dr Single-Kandidatin Daniela (das isch kei Witz, dr Gianfranco het bi däm Name grad dr Teggscht vergässe) kopfschüttelnd gmeint: „Also, Daniela… Duuuuu treisch esooooo öpis???“ Folks, ich cha’s nid sage, i ha leider d’Hälfti verpasst. I ha mi nümm chönne erhole.

Item, nach dr Show bini denn glich nomol zue ihne hi und ha um e Föteli bättlet.

Cheyenne: „Loset hüt hani mi persönlich Fotograf drbi fürs nägschti Däiäry! Döfi bitte nomol eins mit Euch machääää????“
Jonny: „Ja, super! Jetz wo-n-ich totaaal verschwitzt bin!“
Cheyenne: “Das isch doch egal! Ich doch au!”
Jonny lächlet, är hets mir nid eso rächt welle glaube.

Lüt das mol hani öpis aagha, wo meh’s nid eso guet gseht. Aber das isch denn Extremsport für mi, zwei Stund DivertiMento LIVE ON STAGE!!! D’Auge verschmiert, egal, Hauptsach emol e rächts Föteli wo meh fürs Däiäry cha bruche. S’Bewiesfoti wird mir denn no zuegschickt. Goht no paar Dääg. Aber es sin denn Hammer Fotis worde!!!

Liebi DivertiMentos, Euer Härz muess doch us Gold si, und d’DVD sowieso minimum denn drei Mol Platin??? Das sin Momänt im Läbe, do dänkt meh no in dr flauschig weiche Abteilig dra!!! Es isch eifach dr Wahnsinn gsi!!! Ihr sind öpis vom Beschte, wo mir het chönne passiere. Ich schwörs!!!

Euri Cheyenne
Benutzerprofil anzeigen Homepage des Benutzers besuchen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 19-11-2009 um 21:55


18.11.2009 FAN-KURVE Plätz ir 1. Reihe (primo piatti, so z sage) Saalo di Lorzo



Es isch ned abgsproche gsi, ehrlich! Aber au ned verwunderlich. Ich mein, die wievillti Vorstellig isch das für mich? Kei Ahnig, han nach 5 ufghört zelle. Und öppe die zwölfedrüftzg-hundertscht für d Cheyenne (Kei Scheiss, d Chey bechunnt demnächst es Inventar-Zetteli um de Hals und wird vom Gian Franco vo Vorstellig zu Vorstellig gchärelet...). Isch also nur e Frag vo de Ziit gsi, dass mir eus mal übere Wäg laufe. Und das wär jetzt ebe geschter sowiit gsi. Fänkurve Front-Row. Mit 7 Plätz Unterbruch derzwüsche. Aber au die händ mer chli bracht… Guet, die uf der andere Siite näbedrah händ sich während de Vorstellig es Bier müesse gönne (ich han ja scho immer so es Sau-Glück mit dene Spassbrämsene), aber wenigstens händs es nacher luschtig gfunde. Item… Ich bin ja scho vorgwarnt gsi uf d Fankurve. Also Türöffnig, Saal stürme, guckguckguck, keiner da. Ämol keine wo au nur im entferntischte dem glicht wo do bi de Chey uf em Föteli isch. Egal. Denn positioniere mir eus halt genau vor de Bühni mit beschtem Blick uf Platz 14, irgendwenn muess sie ja cho. Ja, und pünklich isch sie au cho. Chli zu pünktlich. Aber für zwei drüü Wort nur hets scho no glanged.

Vorstellig. Naja, was erwarted ihr. Eifach genial. Vorallem us dere Perspektive.

Jetzt fallt mir d Steigerigsform vo Highlight ned ii, aber s erste isch gsi bim Asharan (Merci Jonny…). Bim Paartherapeut han i ja grad nomol Glück gha. Obwohl de Jonny zerscht gradwegs uf mich und Bier-Brämse näb mir zuegstüüred isch. Er het denn aber doch no gmerkt, dass de doch no so zwei drüü Täg älter isch als ich und dass mir eventuell vilicht uf gar kei Fall zäme ghöre. Und isch denn eis wiiter. Und denn der Asharan. Scho wieder d Bier-Brämse. Egal, de findt ja eh alles luschtig. Next-one. Nöö, ich chan nüme. Dert scho müesse lache. Jonny, schlächti Idee. Het er denn au gmerkt und het sich mini Kollegin usgsuecht. OK, ich weiss jetzt ned was schlimmer isch. D Chey het denn no churz ihres Suurstoffzält übere beamet, han nümme chöne. *Lach* *pruscht*. Aber mini Begleitig het das guet gmacht. Und de Jonny het en Ängels-Geduld an Tag gleit und die eländslange Lachafäll ertreit.

Chum isch de Chrampf wieder us em Gsicht und de Lachmuskle verschwunde, chunnt scho de nächst. Italo-Star. OK, langsam kenn i d Nummere ja scho. Unterwäsch abe, afange singe, Unterwäsch wieder ufe. Sowiit so guet. Aber chum flügt der ersti String flügt so es riesigs flatternds Irgendwas hinterher. Kei Ahnig woher. Manu grinst, kcheine Panick. Jonny, scheisse kcheine Antwort. Ich lueg mal as andere Ändi vo de Fankurve. Han denn also grad chönne s Suurstoffzält wieder retour beame. Ischt ja kchlar, vo wem de süscht… De Räscht vo de Nummere isch denn eher chli en Usschnitt us Art on Ice gsi. So, denn müesst jetzt also de Manu di Liintüecher go zämeläse und em Jonny unter d Nase hebe, vilicht merkt ers denn. Fehlanzeige. Liege bliibts. Nächsti Nummere, Manu fasch Pirouette gmacht uf de Aktuelle-Kollektion-Unterwösch. Jonny nur: Manu, hesch e Fähler gmacht. Ja, Jonny, guet gmerkt, zämeläse hetti mer s sölle. Aber DAS isch ned s Problem. Spötischtens woner bim zämeläse fasch es Wägeli brucht het, het ers denn au no gmerkt. Und d Fankurve vor Lache fasch am Bode… OK, mir händs überläbt.

Nach de Show s obligatorische Autogramm go hole. Langsam wirds piinlich. Aber isch ned für mich gsi, ich schwörs. Egal, Manu schriibts trozdem, obwohl s scho s gschätzte 300ste isch für mich. Nacher hani denn mit de Chey no churz Fanclub-Organisations-Komitee Besprächig gmacht. Chunnt de Manu. Guet d Cheyenne kennt er. Nacher zu mir: Und dich kenn i au irgendwo her. Merci, wo isch mis Loch ich wett versinke… Ja, Manu, bisch au en Gmerkige. Vor 10 Minute i de Schlage… Damals zwar no mit anderem Name, aber wer chan sich das scho merke. Das wärs also gsi. Nie mehr Autogramm, jetzt kennt er mich. Oder au ned. Mir werdeds gseh. Manu, falls mitlisisch (was i ned glaube, oder hoffe?). Mer gseht sich nacher dusse. Am 1. Dezember z Bade. Und ich chume ned elei. Nei, mini 5 Kollege chömed au. Tschöss Spass-Brämse (ändlich mal), jetzt han ich die erst Reihe buechet! Tugesser its beser.

Und bis denn: stay tiuuned!
Euri Nic
Benutzerprofil anzeigen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 19-11-2009 um 22:01


@ Cheyenne

das muess jo e hammer Aktion gsi si mit dene Unterhose...
chasch der jo gär nöd vorstelle, wie fescht das mich grad nervt, dass i nöd debi gsi bin.
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 20-11-2009 um 12:46


@funny girl

Ha leider d'Hälfti au nid mitbecho. D'Konzentration hani leider dehei vergässe. I ha nümm chönne hi luege, will susch hätti definitiv kei Luft meh becho. Und d'Kamera het au niemer druff ghebt :(

Jo also mir sin jo scho e Schwetti Freaks (au dr Pimp isch erscht no näbe mir gsässe, wo an dere ganze Misere d'Schuld isch und mir letscht Joor d'DVD uf Wiehnachte gschänkt het. Das het är jo grad no bim Jonny müesse go rätsche, drbi weiss är's jo scho lang :smilegrin: ) dört gsi, denn no Nic mit Kollegin und die links und rächts vo uns hänem denn also au schurig Stoff gäh!!! Dr Börner gsi.

Mol luege wies am Fanträffe denn ab goht!!! :lol::lol::lol:
Benutzerprofil anzeigen Homepage des Benutzers besuchen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 20-11-2009 um 12:46


@funny girl: ja die Aktion isch würkli de Hammer gsi. Aber glaub nur luschtig, wenn s Programm scho kennsch. Die näbe und hinter mir händ sich ämol zimli gfraged, was do drah so extreem luschtig sii sött dass es mich fasch vom Stuehl grüert het.
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 20-11-2009 um 12:52


@Nic

Also bi mir rund ume (also näbe uns und hinter uns, will vorne dra sin jo d'DivertiMentos gsi, gälled Sekiuritis) isch d'Höll los gsi und zwar s'ganz Programm dure. Was hän Dir au wieder für Lüt um Euch greit, wo offesichtlich e tote Clown zum z'Morge gha hän. Anbäliväbel.

Söttigi hani denn also zum Glück no nie erläbt!!! Die würdi an de Ohre zum Saal use begleite, chasch aso sicher si!!! :mad:

Benutzerprofil anzeigen Homepage des Benutzers besuchen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 20-11-2009 um 12:57


@Chey: Ja die wo grad unter de Bühni e schöni Reihe leeri Fläsche ufgstellt händ. Also die händ währemd em Programm scho glached (wenn mer dem so säge chan. hetti au chönne e Seehund sii. en Kommentar vo "e Reihe wiiter vorne" wär demnächst fällig gsi). Die sind eifach ned drus cho was a dene Unterhose so witztig sii sött. Ich mein, Jonny git da Züüg abe, Publikum rüerts wieder ufe. Isch doch nix derbii. Und mich hauts ab em Stuehl.... Scho chli fragwürdig, aber: Isss mir doch egaaaal...
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 20-11-2009 um 12:59


Jo bi uns rund ume in dr Pause hän sies jo alli mitbecho, was mir eso vor gha hän. I ha sie denn de andere Tschiggas, wo so e Teil uffe brätscht hän no müesse zeige vorhär. :lol:
Benutzerprofil anzeigen Homepage des Benutzers besuchen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 20-11-2009 um 13:02


Ja das isch halt nid bis zu eus übere duredrunge. Han die Aktion erscht bim erschte flatternde Liintuech mitbecho und denn zerscht no müesse abchecke vo wem die Aktion isch (ich weiss. blödi Frag. Vo wem de süsch...)
Benutzerprofil anzeigen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 20-11-2009 um 14:59


@chey: WALĂ€!!! :lol: duet mer sorry, wenn di dermit ha agsteckt!!! :smilegrin:
di verchöifere wird sech gfragt ha, was ds für ne duurgrinser isch... so vo wäge "di isch ni normal"... "DOCH bini!!!" :lol:
isch ifach e hammer story!!! chamer der manu richtig vorstelle... :lol:

@nic: wi scho ber chey... HAMMA!!! :smilegrin:
abr wi heiter eml ou ds suurschtoffzält umebeamet??? :)




Benutzerprofil anzeigen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 20-11-2009 um 16:13


ja das Suurstoffzelt. Fasch usenandgrisse hämmers, ziitewiis simmer z 6te drinne ghocket. Denn spannts zwar chli um d Hüfte ume und isch es gchnorz bis wieder dusse bisch, aber für eus hets scho glanged.
Benutzerprofil anzeigen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 20-11-2009 um 19:07


@ nic und cheyenne, will ihr jo s'Programm scho so guet kenned...
jetzt isch mer grad dur de chopf, dass woni plan B z'winterthur bi go luege, dass noch de Underhosenummere de jonny oder de manu (weiss es nĂĽme ganz sicher) gseit gha heg, er seg sicher, dass er ei Unterhose weniger abegeh gha het.
bis geschter hani gmeit, das seg en iiplante Witz gsi, aber jetzt bini doch liecht verwirrt....
aber die Verwirrig chönd ihr jetzt sicher löse
Benutzerprofil anzeigen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 20-11-2009 um 20:25


@funny girl: ja das sich scho en iiplanete Witz. Jonny schmeisst 5 abe und seit nacher zum Manu: lueg 5 ich bin sicher ich han nur 4 abe gheit. So stahts ämol im Drehbuech. Z Cham hets denn eifach gheisse: lueg 9 ich bin sicher ich han nur 5 abegheit (und mit breitem Grinse) Daniela soooo öppis treit mer denn hüt nüme (und do muesch der de Jonny vorstelle wo Unterhose in Zeltgrössi ufehebt und probiert irgendwie näb dem riiesige Lumpe dure z luege)...
Benutzerprofil anzeigen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 21-11-2009 um 08:41


@nic: heheh!!! denn hei at least 6 persone z haube programm vrpasst... :lol:

abr d kollegin ou... z bärn... ha scho blaui fläcke am arm gha, wäg d kollegin be jedere puänte het gellböglet... si het ou es suurstoffzält brucht... :lol:




Benutzerprofil anzeigen Alle Beiträge des Benutzers ansehen
Rahel
Tiuunti Plauderplantage-Member
***




Beiträge: 134
Registriert seit: 6-10-2009
Wohnort: 7202 Says
Mitglied ist Offline

Motto: Lachen macht das Leben süss.....wenn nur da choge Karies nid wär!

[*] Verfasst am: 21-11-2009 um 21:45


Mh, sooo schad hani diä Aktion mit dene heisse Schiffer verpasst........:mad: Hetti au soo gärn drab gröhlet.......:lol:Aber jetz begnüegi mi halt mim läse vo däre Mega-Sach.......:smilegrin::lol:
Benutzerprofil anzeigen Alle Beiträge des Benutzers ansehen
Rahel
Tiuunti Plauderplantage-Member
***




Beiträge: 134
Registriert seit: 6-10-2009
Wohnort: 7202 Says
Mitglied ist Offline

Motto: Lachen macht das Leben süss.....wenn nur da choge Karies nid wär!

[*] Verfasst am: 28-11-2009 um 10:16


Geschter Obig..........D' Mama Rahel isch mit dä Chind d'DVD PlanB am luege......der Lachsack platzt und s' Mami pfift usem letschte Loch............:lol: Mini gross Tochter het mi ganz besorgt vor Site aglueget..........Das Programm isch wieder mol e Meischterleischtig für sich..........:thumbup:
Benutzerprofil anzeigen Alle Beiträge des Benutzers ansehen
Svea
Plauderchnoschpe-Member
**




Beiträge: 26
Registriert seit: 12-10-2009
Mitglied ist Offline

Motto: Kein Motto

[*] Verfasst am: 29-11-2009 um 17:16


Plan B 3. Oktober in Bern

So, de schrib ig doch ou mau wider is Plouder-Löönschli!!
Am 3. Okt. in Bäärn, scho es ziitli här aber isch doch miir egaaal!!
AUSO.. hmm.. Samstig Abe nähme miir dr Zug für nach Bäärn extra nid ts Outo für das miir kei Parkplatz müesse sueche.. nid so wie en gwüssi Person hie im Ploder-Löönschli.. :smirk:

Dört achoh ZÄG iche ufe Platz kocket.. Naja, miir hei chlii blöd gluegt kah wo miir gseh hend wie wit hinger das die 15. Reihe vor Bühnii isch.. Kes Problem, houptsach miir gseh und ghöre die Zwööi!! =)
Nacheme Ziitli louft t'Show!! wie's eim so bire Show geit hei ja scho viiu gschribe..

Nach dr Show:
Zäg, auii stöh ah fürnes Outogramm. Miir natürläch äbefaus.. Ig stah da, immer no miteme Lachchrampf und häbe usschou nachem Jonny und em Manu, In dem Moment het öber en Hand uf min Schultere und seit: ,,tschuldigung'' Ig dräie mii um, doch da han ig blöd gluegt wo plötzlech en grosse Maa namens Manu näbe miir düre louft.. =O Boooah.. Läck bin ig verchlüpfet du!!

Nacheme Ziitli bin ig de vorem Outogramm-Tischli gstange und han de mis Outogramm bechoh!! Sii hei nume min Name chlei komisch gfunde.. Aber wer scho nid?! Vor miir und mim Brüetsch isch eine choh wo fasch so het usgseh wie min Brüetsch und het sogar dr glich Name gha.. die zwööi Divertimento's heii wider en Fragende Blick drufe gha.. =) Da hani die Zwööi no gfragt ob ich ächt no es Föteli dörft ha, klar eiach nach em Outogramm schribe het's gheisse!! oke kes problem.. gwartet, gwartet, gwartet. Nacheme Ziitli stöh sii uf und frage wer möcht föteli mache?? Ig ganz schüch zuene ane gstange mit mim Brüetsch und dr Kolleg het gfötelet. Ig han mii miteme riise smile bedanket und ga zum Kolleg ga't Föteli bedrachte.. t'smilie isch miir gad schnäu wider vergange , wo ig han gseh
das das föteli extrem verschwumme isch gsi.. ig zu mim Kolleg: ,,oh nei das isch ja henne verschwumme!!'' Doch da han ig gmerkt das ig das gad es Stück ts luuht han gseit. Da seit dr Jonny: ,,Kes Problem, das chame no mau mache!!'' Miir zwööi wider ganz schüch zu ihne ane gstange und nomau gfötelet.. wider mit eme Smilie bedanket und gat's foto betrachte.. doch es isch nomau verschwumme gsi..
In dem Moment chunt dr angeri Teil mit dene ig bii ga't show luege und frage ob's ächt no lang geit mit üs schüsch verpasse miir de no dr Zug!!
Da seit dr Manu miir söue doch nomau es Föteli mache wo nid verschwumme isch!! Mini schwoscht duet öbis bir Kamera ischteue das es nüm verschwumme isch, doch da chunt plötzläch uf em Display vor Kamera <> Uiuiui.. das ou no!! NOMAU ig min brüetsch und miner zwööi Schwoschte (das mau ou) zwüsche die zwööi Komiker und dr Kolleg het nomau gfötelet.. Da fragt dr Manu üs ob miir aues gschwüsterti sind. Miir antworte: ,,Ja'' und dr Jonny da druf: Ajajaj.. öichi eltere wet ig ja mau kenne lehre!! =)
Und Voilà, t Föteli sii super usechoh!! jupii!!

Das isch en Super Abe gsi, nur das miir glich no dr Zug hei verpasst und no es ziitli uf en nächst hei müesse warte!!

en chline Tipp: we diir weit föteli mache de luegit zersch das es richtig igstellt isch und das dr Akku biir Kamera glade isch!! =)

T Föteli sii de im Facebook t betrachte =P

das war ein kleiner Einschub meinerseit's!!
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 29-11-2009 um 17:29
28.11.2009 Sursee, PLAN B nur anders


S’Briggeli het jo vor 2 Wuche krankheitshalber nid chönne nach Basel cho. Dört isch sie am Bode zerstört gsi. Aber sit Geschter gseht d’Wält wieder gaaaanz anders us. Also folgendermasse:

Mir fahre früeh gnueg nach Sursee, damit mir no zämme chönne schön gemütlich diniere. Die nächscht Beschti Person froge mir nacheme guete Lokal und es wird uns prompt au dr Brigge ihri Lieblingsrichtig wärmschtens empfohle. Thailändisch. Lütlis, wenn Dir mol nach Sursee göhnt, göhnt go Thailändisch ässe. Also es isch KÖSCHTLICH gsi. Dr Obe het schomol besser nid chönne starte.

Jo, so am 19.45 Uhr trudle mir denn ins schöni Stadttheater vo Sursee ii. I muess scho dört feschtstelle, es isch rächt familiär chli dört inne. Jösses, do müen mir em Stoff gäh, damit d’Hütte zämme gheit mit dene paar Nase. Jo, und eigentlich hani vermeintlich die 2. Reihe genau in dr Mitti buecht gha. Numme, ganz genau die 2 Sitz vor uns hän gfählt. Dört isch eso e Usbuchtig (für e Dirigänt, Solischt oder Souffleuse, kei Ahnig…) gsi. So simmer dört Sperrsitz aso Sofa gsässe, Stelzefreiheit ohni Änd, wunderbar kuschelig gemütlich, freii Sicht uf d’Bühni. Dr Beschti Platz wos git! Numme dr Brigge isch glich nid eso wohl gsi, will dört isch die einzigi Möglichkeit gsi… Platz für e Jonny… Die in dr 1. Reihe hän kei Luft meh gha zur Bühni. E ganz e speziells Flair vonere Privatvorstellig het uns übercho. E söttigi Atmosphäre isch au für unseri DivertiMentos seeeehr ungwohnt gsi. Und die gege vorne abfallendi Bühni het ihres Übrige no drzue do. Zwüsche de Lacher het Totestilli gherrscht, richtig unheimlich, hesch Di chum traue iisnuuufääää!!! Scho dört isch s’Gsamtbild für mi alles anderi als bekannt gsi und au die zwei DivertiMentos sin nid wieder z’erkenne gsi. Nid minder luschtig natürlich, ganz im Gegetum, aber ebe anders!!!

Gianfranco, gäll, do bechöme die Chischtene mit Rädli dra e ganz anderi Bedütig. Fascht uf em Schoss hämmer si gha, wär do nid no s'Rändli vorne an dr Bühni gsi!!! Dauernd sin sie vo elei vüre grollt, wieder hindere gschobäää, vüre grollt, wieder hindere gschobäää. S’Bünderfleisch isch denn usnahmswis hösch unterwägs gsi, und het alli Händ voll z’due gha. Numme wo dr Gianfranco und dr Küde denn Lokomotiva gspielt hän „Huup, huuup!!“ Usgrächnet dört isch die Chischte in dr Hälfti vo dr Bühni stoh bliebe. Au grad denn, wo sie usnahmswiis mol hät müesse rolle. Das Gsicht vo dene Zwei... Versteckti Kamera isch e Dräck drgege. Scho dört het mer s’ganz Gsicht weh do vom Lache.

Jo, wie gseit, s’glichi Programm, nur anders. Aso ich wieg mi do in totaler Unschuld. Dasmol, ich schwörs. Scho bim Tagebuech d’Brigge hets gschüttlet vor Lache in unserem Sofa, d’Träne sin numme no so abegchugelet.
Bereits dört hani müesse zwei Naastüechli übere länge.

And theeeen, chunt dr Dave, Gebrüll minersits. Alli andere sin nid druss cho, hän aber mitgmacht. Z’mitzt in sim Teggscht goht für e Bruchteil vonere Sekunde, meh isch es nid gsi, s’Liecht komplett us. ES WURDE STOCKDUNKLE NACHT!!! Dr Dave isch us sinere Konzentration grisse worde, dr Single-Kandidatin Natascha ihri Spraydose-Künscht z’beaugapfle. Jä, wie söll i jetz das wieder umschriebe, kei Ahnig, dr Dave hets grad überno: „Nid numme s’Liecht hät en Ussetzer!“ Es isch ihm eifach nümm in Sinn cho, was är het welle sage. Und ich ha ihm do leider au nid als Souffleuse chönne hälfe. 1. Chanis noni uswändig 2. S’Cheyenneli het kei Luft meh becho vom gröhle. S’Suurstoffzält isch au nümm das, wo’s mol gsi isch. Guet au rächt, het är sich dänkt. STINKEFINGER ZUM ERSCHTE RICHTIG LIGHT-ENGINEER!!! E breits Grinse im Gsicht.

Is noni feti, nei, nei, dr Räscht kenne mir und s’Natascha hets also au super gmacht als Single-Kandidatin. Am Schluss chunt dr Gianfranco, lobt sie au entsprächend. Und will sie’s eso guet gmacht het, macht dr Värslibrünsler de Sekiuritis diräkt no Konkurränz mit em Mörder-Wältklass Gedicht:

Weiss nümm genau, aber in däm Sinn: „Chani no chli Hasch ha, Natascha?“
Nei, LĂĽt, es het mir doch dr Nuggi useghaue.
Denn chunt dr Küde: „Super Spruch, sauguet!!!“ Sälber fascht nümm chönne vor lache ab dere Glanzleischtig.
Gianfranco: „I han au 10 Minuta Ziit gha drfür!“ Fascht velleckt. Küde isch wieder am Läschtere über die zwei fertige Hobby-Glöön, und het immer no dä Leitspruch in dr Biire, muess lache. UND DENN FALLT IHM WIEDER KEI TEGGSCHT MEH II!!! „Jo, was hani wieder welle säge???“ Grübel, grübel und studier, Kopfchratz e laaaangi Minute lang. Totals Blackout. Marschiert denn in sinere Verzwieflig richtig Backstage und GANZI ZWEI STINKEFINGER, ZUM ZWEITE RICHTIG JONNY!!! „Messi Jonny!!!“ Gröhlt sich eine ab, und chunt wieder vüre, aber dr Teggscht het sich immer no verdünnisiert. Ich ha ihm nid chönne hälfe, so gärn i hätt welle.

Deheeeeeeenn, (dr Manu muess aber so richtig verzwieflet gsi si) dr ZEIGFINGER IN MINI RICHTIG:
„HÄSCH NÖD DU NO ÖPIS WELLE VERZELLE?!?“
Mi het fascht dr Schlag troffe. Lüt, ich lach jo gärn, aber das isch d’Steigerig drvo gsi. Au wenni dr Teggscht gwüsst hätti, es wär DEFINITIV nid gange. Es het mi gchüblet, kei Luft meh becho. Ooooooooouuuuuhhhh noooooo!!!!! I muess sofort go DVD luege in dr Ändlosschlaufe, damit i mi nid uf e Neus eso in Grund und Bode blamiere due. Und eso öpis nennt sich Hardcore-Junkie. Jo, was chan ich denn drfür, dass i vor luter Gröhle immer s’halbi Programm verpass???

Dä Teil mit em Mäge loni gschieder lo si, das ischt nicht so wichtig!!! Dä Stinkel, dä Zeigfinger wirdi au do nie meh vergässe!!! Voll in dr Schusslinie, Du, aber wortwörtlich!

Am Schluss, dr Manu isch Ehrewort sichtlich gottefroh gsi: „Hämmer dä Obe doch no irgendwie ume bracht!!!“ Dr Stei wo ihm vom Härze gfalle isch, het e chliners Ärdbebe usglöst!!! Und au vo dr Brigge, wo ungschore drvo cho isch a däm Obe und das ganzi Spektakel het in volle Züg chönne gniesse. Mir hän eifach e super Obe zämme verbrocht.

Jonny hets denn uf e Punkt brocht und em Publikum erkärt, dass es für sie total ungwohnt isch, in so chline Sääl ufzträtte und no drzue mit dere abfallende Bühni. Es sin soviel Sache gsi, woni so no nie gseh oder gmerkt ha.

Jä mini liebe Hardcories, mir müen uns do wirklich guet überlege, was mir in dr Fankurve so alles aastelle. Will amene sone Daag wie Geschter bruchts nid viel, das ganzi Programm um z’schriebe. Fläschli, wo umgheit..., längt scho.

Jetz hän doch die DivertiMentos sit Geschter tatsächlich e neus Programm und sage nüt!!!

I ha Plan B jetz scho minimum 10 Mol Live gseh, aber das Programm vo Geschter isch mir aso neu gsi, und het denn erscht no alles bishär in Schatte gstellt!!! Eifach so an eim Obe e neus Programm us em churzärmlige T-Shi schüttle... zämme mit em Stage-Light-Engineer, em Värslibrünsler alias Gianfranco und em Manu, wo vo däm allem nüt gwüsst het...

Nei, im Ärnscht, s'glich Plan B-Programm, numme in dr 2. Hälfti KOMPLETT ANDERS!!! Jäwoll, für e Hardcore-Junkie öpis, wo meh nid het dörfe verpasse!!! I sags gärn nomol, EIMOL LIVE GSEH ISCH KEIMOL!!! Jedi einzelni Show isch e Klass für sich, nämlich eimolig grossartig!!! Es het mi Geschter Ehrewort vom Stuehl bääst!!! Abartig göttlich gsi!!!

Ăśbrigens, dr neu CabaretDuo DivertiMento HARDCORIES-Club
het e neus Mitglied!!! Brigge, Welcome! Grad die neu DVD gchrallt samt Autogramm, eh kchlar und bei sö wey: Fankurve..., WIR KOMMEN!!! Spötischtens in Interlake, dr Platz 9 hani jetz fürs Briggeli buecht!!! Sie het sich dä redlich verdient und het zämme mit mir als einzigi im Saal e Standing Ovation gäh!!! (Meinsch, i well e NON-HARDCORIE Spassbrämsi uf däm Platz, wo usgloh worde isch, woni nid kenn!!!) Solang schwelge mir no in dr Erinnerig vo däm unvergässliche Obe!!! Wältklass und unvergässlich urkomisch!!!

@Janine, das mol hani au e Erinnerigsföteli iigfahre. :smilegrin: Mol luege, wie ich zum Fanträffe chum. I schänk Dir denn e Lokomotiva Plakat ha jo denn gnueg Glegeheit eins zmache. :lol::lol:

Cheyenne
Benutzerprofil anzeigen Homepage des Benutzers besuchen Alle Beiträge des Benutzers ansehen
Janine
Tiuunti Plauderplantage-Member
***




Beiträge: 365
Registriert seit: 5-10-2009
Mitglied ist Offline

Motto: Man wird nicht erwachsen, sondern nur älter!

[*] Verfasst am: 29-11-2009 um 18:28


hehehe ja so schnäu chas gha :smilegrin:
sie het der check ömu chönne bhaute wird nüt mit em moos am bike ;)

ouuuuu da bini gspannt uf das lokomotiva plakat.....
Benutzerprofil anzeigen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 29-11-2009 um 19:07


@chey: oooooou!!! hey, da hätti ou wellle drbi si!!! so genial!!! :lol:

u da fragt d kollegin no, werum igs so viel ga go gugge... abr si wirds ja de im april schono gseh... :cool:




Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 29-11-2009 um 19:13


@Svea, das kenne mir, wenns pressiert und eimol e Föteli öpis söll wärde. Roti Auge, denn verschwumme, Akku leer. Am Beschte grad alles zämme mitenand und in dere Reihefolg...
Aber s'Föteli isch ganz cool usecho;-))) :yes:

@fallen angel
Weiss nid. Jedesmol dänki, ich spinn nomol und nomol go luege. Steigerig unmöglich.... Und glich, jedes Mol dr Börner und kei Änd in Sicht!!!
Benutzerprofil anzeigen Homepage des Benutzers besuchen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 29-11-2009 um 19:27


@chey: heheh!!! es zahlt sech aso us... xD
i dänke ou scho jedesmal, weni tix ga go buecche, dasi spinne... abr isch jo glich... :smilegrin:




Benutzerprofil anzeigen Alle Beiträge des Benutzers ansehen
Sekiuriti
Administrator
********


Avatar


Beiträge: 2056
Registriert seit: 5-10-2009
Mitglied ist Offline

Motto: Man muss immer etwas haben worauf man sich freut!

[*] Verfasst am: 30-11-2009 um 13:06


Waas? Innert 10 Minute het dr Tschan-Franggo das Sensationsvärsli brünzlet??? Mil velleckä!! Isch ja ä mega Schnäuschuss gsii fürs Bündnerflaisch - 10 Minute - sooo guaaat! Ja de mäudet sich d'Sekiuriti värslitechnisch für die nöchschte 50 Jahr mau ab, da hei mer gloub nüt meh verlore...


Das muess ja ächt DIE SHOW schlächthi gsi sii!! Und mir heis verpasst!!
Benutzerprofil anzeigen Homepage des Benutzers besuchen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 30-11-2009 um 15:55


Jo, nägscht Joor gömmer jo jedes Mol zämme!!! Das cha denn nümm passiere, dass Dir nid drbi sin!!! So Schad gsi, aber s'Briggeli het alles gäh. Hamer grad müesse Sorge mache beträffs eme Gabi-Ysatz. :smilegrin:
Benutzerprofil anzeigen Homepage des Benutzers besuchen Alle Beiträge des Benutzers ansehen
Nic
Hardcore-DivertiMento-Junkie
*****


Avatar


Beiträge: 1214
Registriert seit: 10-10-2009
Mitglied ist Offline

Motto: Kein Motto

[*] Verfasst am: 3-12-2009 um 22:34


Do sinds also, mini Showbricht vo dere Wuche. Han scho blaui Flecke, will i vonere gwüsse Cheyenne fasch prüglet worde bin. Jaja, mit ihre isch denn ned guet Chriesi rauche wenn sie Efeu a de Scheiche bechunnt vom warte…


1. Dezember, Baden Kurtheater oder dr Gian Franco findt sini Traumfrau


Da ich ja bekanntlich immer s Glück han, vo so elände Spassbremsene umgebe z sii, han i mir dänkt ich buech eifachmal grosszügig alli Plätz um mich ume. So bin i also a dem besagte 1. Dezember mit 4 Kolleginne und eme Kolleg (ja, elei scho das isch für ihn es Highlight gsi…) is Kurtheather pilgeret. Super Stimmig hämmer gha. Bis denn uuscho isch was für Plätz dass mir händ. Also ich han s ja gwüsst und ich bin ja au uf Starticket go schlegle derfür. De andere 5 isch denn doch die erschti Reihe ir Mitti chli wiit vorne gsi… Tja, chammer nüt meh mache. 3mal 1. Reihe und 3mal 2. Reihe und jetzt chönnd ihr euch um die hintere 3 Plätz schlegle… Mit chli guet zuerede het denn d Marianne doch no gfunde es seig sicher ned so schlimm ir 1. Reihe und schliesslich gsechi mer dert halt d Mimik scho no besser als ir 2. Reihe.

Showbeginn. Meh kennt ja s Programm langsam. Aber ey, das Pubikum. Vo de 1. Minute aa voll derbii, isch ja s beschte woni je gseh han. Aber au Jonny und Manu irgendwie super druffe (naja, nach de Vorstellig vom Samstig vorher (guggst du Showbricht vo r Chey) chas ja nume no besser werde…). Han scho druf gwartet, bis sich die zwei s erscht mal vom Text verabschiede. Het denn au ned vill brucht. Em Jonny sini lauteschte und böseschte Musik: Nach Kumbaja und Hewenushalom? Gaht nüme? doch gaht:

das Feeeyyyrrr vooo drr Seeeeehnnsuuucht...

OK, het wĂĽrkli ned vill brucht. DerfĂĽr chan mer s immer wieder bringe. Ă–b im Chopfstand oder als CD wo de DVD biiliit.

So öppe i de Pause händ mir denn afgange umeluege, wär ächt so chönnti passe als Singlekandidatin. Bisher isch guet gange. Für de Paartherapeut sind mer entschiede z jung gsi (er hets probiert) und de Asharan het sich au eher uf dr andere Siite ustobet. Do hette mer mol i de erschte Reihe s Nic, s Marianne, denn e leere Stuehl (het wohl eini d Flucht ergriffe). En huufe wo eher id Kategorie Frisur-oder-was-dervo-übrig-blibe-isch ghöred und gaanz wiit änne, aber würkli aso gaaaanz wiit. Und de erscht no hinerem Pfoschte. Nei, uf die händ mer ned chönne zelle. OK 50/50 Chance. Theoretisch. Praktisch hani verlore wenn mi de Jonny uswählt und wenn er d Marianne uswählt hani verlore will sie mir das no jahrelang wird vorhebe. Chan i also nur verlüre oder verlüre. Ich han den au verlore. Jonny grinst, Marianne dänkt: wie chum ich us dere Nummere wieder use? Gar ned. Bisch du no Single - nei - egal. Jetzt müend ihr euch die Situation mal vorstelle, susch isch nur halb so luschtig. Also wandelndi Hanfchnoschpe sitzt uf dr Bühni, gseht chum us dr Schüssle (susch hett er vilicht chli besser gwählt)
- Chasch grad mal is Mikrofon ine säge wie du heissisch
- Marianne (und me het im Jonny also grad agseh, dass er sich dert scho en dumme Spruch ĂĽberleit het. Gseit het er aber nĂĽt)
- Und was machsch du vo Bruef Marianne?
- Sozialpädagogin
täääääää, het de Gian Franco doch grad chli dihei gfühlt. Und de Jonny isch vor Lache uf dr Bühni gläge. Woner sich denn grad irgendwie wieder igfange het, het de Gian Franco denn no sini Sympathie bekundet, mit dene heig er no vill z tue die kiffe au alli. Marianne us dr Drogeszene… Und für die 700 Lüüt wo dert herzhaft glachet händ muess ich jetzt jahrelang drah glaube. Merci, Jonny. Hettsch gschiiter mich usgsuecht. Wär ned so luschtig gsi, aber für mich bedütend schneller wieder vergässe. Und d Marianne, die het sich nacher ned mal meh getraut ihri Religion z säge… Derfürhet sich denn de Gian Franco mit eme schöne Versli bi ihre bedankt: Ich bin au no Single, weisch wie würd das passe Gian Franco und Marianne-huana. Wenigstens het de Jonny denn sälber gmerkt, dass es scheisse isch aber er hets probiert.

Und was im Räscht vo de Show gloffe isch, müend ihr mi nüme frage. Bin dermit beschäftigt gsi, wieder einigermasse Luft z becho.

Uf jede Fall het sich denn de Jonny zletscht no bedankt, für die geniali Stimmig. Z Bade spile seig für sie zwei immer fasch wie hei cho. Ich weiss, er hets nur guet gmeint, aber de Saal het en usglachet. Jo, Jonny, z Bade hesch halt de Saal voll Spreitebach-Gäng und do ghört mer halt ned eifach so derzue.


2. Chance fĂĽr s Nic:

2. Dezember, Kurtheater Bade oder darf i bitte usrede??


han mi ja scho gfraged, öb mer d Stimmig vom Tag vorher no chan toppe. Ja chan mer. Uaaahh het das brätscht. Aber so richtig. Publikum voll do und Divertimentos wahrschindli no uf Droge vo geschter.

Wugudugu. Chunnt uf d Bühni. Irgendwas stimmt ned. OK, Wugudugu het hüt e Churzhaarfrisur. Isch wohl churz bim Coiffeur gsi. Kei Ahnig was da hinter dr Bühni abgange isch. Ich weiss ned was de Manu erwartet het, aber für de Jonny hets de halt nur no d Monster-Afrika-Frisur übrig gha. Isch denn chli z vill gsi für d Konzentration vom Manu. D Mimik het er no einigermasse here bracht. Aber de Text? Zäck und weg isch er…

Single-Kanditatin… Het sich de Jonny wahrschindli dänkt er näm jetzt mol eini wo sicher ned usgseht wie Sozialpädagogin. Isch halt zwei drüü Jahr älter gsi und ebe au es Müü schlagfertiger… Uf d Frag bisch du no Single gits ja eigentli nur zwei publikumstauglichi Antworte. D Conny wählt die driiti: Mängisch scho. Conny grinst, Jonny dänkt: wie chum ich us dere Nummere wieder use? Gar ned. Ja, Jonny so schnell chas gah und du sitzisch uf dr andere Siite vom Hebel. Ja, die Nummere chönnt sich echli zieh… D Conny (eigentlich Cornelia, aber das seig wüescht. De Herr Fischer da hinte heigs jo au ned so guet troffe mit em Name), Huusfrau und Mueter, chunnt über d Chind liecht a Droge und isch drum au ir Drogeszene. item. Die erste zwei Kanditate sind denn einigermasse nach Drehbuech über d Bühni. Em Hanspeter sini erschti Frag au. Aber wo d Conny vo de zweite Frag nume grad het chönne säge dass sie d Fasnacht hasst und de de Jonny scho wiiter gmacht het, isch sie chli stinkig worde. Protestiere het nüt gnützt, de Tööndli-Pimp het ihre s Mikrofon abgstellt. OK, wiiter im Text.
Jonny: Bisch katholisch oder bettisch s andere a?
Conny (und für d Antwort händs ihre s Mik wieder agschalte) packt ihri Chance: DARF I BITTE USREDE UND D FRAG NO FERTIG LÄSE??
Ja, Jonny, do wird halt öpper ned gern unterbroche. Het de Jonny afange proteschtiere, er bruchi de Räscht vo de Frag nüme, er kenni sie, er heig si ja gschribe. Egal, do het er dure müesse. Het alles strample und uf de Chischte umerutsche nüt gnützt. Wenn mer de Conny en Uftrag git, denn macht sie de au richtig und richtig bis zum Schluss. Und au d Uswahl het sie gwüssehaft gmacht. Liebi Singlefrau, für wele vo dene vier Kanditate entscheidisch du dich? - Ich gseh nüt, chan i bitte no chli Liecht haa?? Ich glaub de Jonny isch de öppe froh gsi wo die Nummere dure gsi isch. Dasmal hets denn de Gian Franco au nüme mit eme Versli probiert. Het sich wahrschindli nüme traut...

Aber au de Manu het müesse drah glaube. Küde baut d Bühni um für de Italo-Star. Blabla irgendwas vo wäge blonder Hanfpflanze und als schlächts Biischpil bruche. Nacher chunnt no irgendwas im Text woni no nie ghört han. Isch chli Schissdräck woner verzellt aber isch glich. Do chunnt de Jonny fasch Chopfvorah hinter de Bühni füre. Es hettis niemer gmerkt. Nei, de Jonny, ehrlich wie er isch: Ja ich weiss ich bin z spaht, de Manu het scho lang kei Text meh aber ich bin no am Trinke gsi. Zum Glück weiss de Jonny em Manu sin Text au no uswändig… Ja, de Künde isch denn relativ gli hindere au öppis go trinke…

Und au nach dere Show. Standig ovation mit Hüenerhuut-Faktor. Minutelang. Dir dörfed wieder mal cho. Und ich chume sicher. 29. Mai 2010, ich bin wieder derbii, dasmal denn ir sichere 3. Reihe.
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 4-12-2009 um 11:27
Tääättääääää!!!


Nic het gschriebe:

Zitat

(naja, nach de Vorstellig vom Samstig vorher (guggst du Showbricht vor Chey) chas ja nume no besser werde…)


In Sursee isch scho s'Maximum gsi. Besser gohts nümm. Das hani no jedes Mol gmeint und bi glich eines Besseren belehrt worde. Ganz e spezielli Gröööhl-Show isch das gsi und nid numme für mi. :lol::lol::lol: Wie gseit Eimol isch Keimol, wenn meh denn Dis Bricht(li) so inezieht!!! Jä RESPECT IN THÄ HOUSE!!! Als wär meh mit drbi gsi. Messi Tussi!!! Sauguet!


Zitat

Do sinds also, mini Showbricht vo dere Wuche. Han scho blaui Flecke, will i vonere gwüsse Cheyenne fasch prüglet worde bin. Jaja, mit ihre isch denn ned guet Chriesi rauche wenn sie Efeu a de Scheiche bechunnt vom warte…



Ha übrigens nüt gspürt vo Dine blaue Fläcke! :lol:.

Geschter brätschts öpe 100 Mail elei vom Nicilein ine do. Chum gar nümm noche mit läääsääääää!!! Jo, easy, Mann, easy, huerä drischnorre Mann heeeee!!!! :lol: :lol: :lol: Und jedes Mol macht sie eim gluschtig mit Bade...

Ich (zwei Tag spöter): "I ha scho Efeu an de Scheiche!"
Nic: "D'Tix gön hüt z'abe uf d'Poscht!"
Ich: "Jo, waaaas interessiere denn mi HÜT die Tix für im MÄRZ, Bittäääää??? Bis denn wirds d'Poscht scho bis in mis Chuedorf gschafft ha!" :lol: Nei, dr Show-Briiiiiiiiiiiiiiiiiiiiiiiiiiiicht, woooo isch äääääär! Normalerwiis gsehni hüt eigentlich no ganz guet zur Schüssle us."
Benutzerprofil anzeigen Homepage des Benutzers besuchen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 4-12-2009 um 12:08


Haaa, vergässe, Morn bechömme mer denn no es Brichtli vo unserne Tschiggalinas!!! Yeees, Freu mi wie e chlins Gööfli! :smilegrin:
Benutzerprofil anzeigen Homepage des Benutzers besuchen Alle Beiträge des Benutzers ansehen
 Seiten:  1  2    4  ..  40

  Gehe zum Anfang

Powered by XMB
XMB Forum Software © 2001-2012 The XMB Group