DivertiMento's Plauder-Lounge
Nicht angemeldet [Anmelden ]
Gehe zum Ende

Druck-Version  
 Seiten:  1  2  
Autor Betreff: tempesta live
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 3-3-2012 um 18:19


Dä Dütsch wo das Mensch het, nei Ehrewort. ;)



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 3-3-2012 um 21:15


Da het au der Düden nümmi vöu ghöuft... ;O)))





Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 4-3-2012 um 10:16


@fallen angel, isch jo eigentlich nĂĽt meh neus, dass ĂĽs im Hotel e Stund g'klaut wird :) (isch eigentlich scho verruckt, wied Ziit vergoht, jetzt isch es denn scho 2 Johr her sit em erschte Fanclub-Treffe)



Benutzerprofil anzeigen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 4-3-2012 um 11:39


villicht müesster weniger zahle, wenner e stund weniger dört sit????? ;O))





Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 15-3-2012 um 11:24


Die Tickets sind NEU online im Vorverkauf!!! 24.03.2012 Tempesta Plattentaufe feat. "Manu On Guitar - Duo DivertiMento". Es het solang’s het:-) Wir freuen uns mit Euch unser Baby in temp-Manier zu taufen, zu begiessen und deftig abzurocken!!!

http://www.starticket.ch/0ShowInfo.asp?ShowID=51651&Show...




www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 15-3-2012 um 21:39


Nachdämi mer hüt pär Gschäftspc e Ticket ergatteret ha, hani beschlosse der Schlofsack izpacke..... ;)))) im Zweifelsfalle für den Angeklagten.... ;)




Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 27-3-2012 um 12:40


TEMPESTA LIVE, PLATTENTAUFE ZIEGELEI EINSIEDELN, 24. MĂ„RZ 2012



so, ändli chli zyt gfunde...

samschti/ sunnti si suuuuuupi gsi!!! :smilegrin:

~areis/ ichecke/ vorem konzi~
nachdäm i am morge no gschaffet ha u mi vermieter mi no het müesse versuume, bini so um di haubi drü mal losgfahre. zersch mal nach thun... linsemittel isch usgange... :(
woni de mini sibe sache ha gha, bini gäg di vieri richtig einsidle ufbroche. susi installiert u di het de ou gad losgschnuret... abr... HAAAAAAAAALT!!! falschi route... i wot über luzärn. det hets sicher ke stou, so wi über bärn.
auso, de halt det dĂĽre...
bi guet übere brünig cho. denn plötzli warnblinker vo vorne... häh??? ah, stimmt... di eeewigi boustell z luzärn. jap, ds sött me amigs ou no irächne. zumal die scho sit meh aus 10 jahr besteit. walà... denn halt e haulbstund stou. i ha jo mini unterhaltig afe gha... tempesta - unbounded... louft vorwärts, rückwärts u wases süsch no git... "the way you love me" louft sicher scho zum tuusigschte mal. egal, es isch e hammer song. bem erschte mal dürelose hani gad entschide, dases eine vo mine lieblingssongs wird... und uswändig chöi mer ne ou scho... auso, *siiing* :lol:
guet, auso... nach luzärn chunts irgendwo mal go schiffe... eeehm... hoffentli duets z einsidle ni... ha de ke rägezügs debi. :blush:
öpe so uf di sibni chumi z einsidle a u finde ou gad prompt es plätzli für mis schnuggi. det steit er jetz bis am sunnti morge irgendeis.

schribe am funny_girl no es sms... wenn chunsch du a? - öpe am viertel ab. - oki, chume zum bahnhof.

mir si auso vom bahnhof zum hotel gange u afe mal icheckt u üses gepäck is zimmer ta. mitz im ichecke lütet mis handy... s gési... jooo, i ha iz gad ke zyt. einisch userüere... lüte de gad retour.
s gési isch scho ufm parkplatz. si wartet uf üs. guet, mir chöme gad.

ber ziegelei acho, begrüesse s funny_girl u ig afe ma s gési. mir blibe no chli dusse u öpe so zäh minute, viertelstund speter chunt ou s chey mit irne bodyguards. (drüüü stück... :thumbup: ) me chase üs aso ni chlaue... :smilegrin:
mir si denn afe inegange. hei öpis trunke u chli gschnuret u blödelet.
denn wärde mer vom manu und er michèle (hanis richtig gschribe???) begrüesst.

iiirgendeis speter chunt denn ou s nic mit irere begleitig. mir si komplett, es cha losga!!! :)


~sound/ konzi~

nacheme wiili fö denn SARZ a spile. ni schlächt, abr i ha druf blanget, das si ändli fertig si u tempesta chöi afa... :blush:

nachere pouse denn isches sowit...
s intro zu crazy tönt düre club u es geit los. WOOHOO!!!!! :cool:
es wird song um song gspilt... weli??? ke ahnig!!! ha leider weder setlist, no es guets hirni... sorry!!! i weiss uf jedefall, dases hahahahamma isch gsi!!!
gäge schluss wärde no d special guests uf bühne bätte zum mitrocke. einisch, de (...name hier einfügen... [sorry, weiss nüm winer gheisse het... :( ]) u när natürli no de manu. :)
es wird schämpis ufgmacht u d cd bechunt mal e prickelndi duschi, bevor si is publikum säglet.

d setlist isch abgarbeitet u d jungs wette eigch ga... ZUUUGAAABEEE!!! ja, guet... mir mache no eis...was heimer gha? isches "grow" gsi? hei nomal... me sött sechs amigs ufschriibe. ;)
uf jedefall het s publikum nach däm song no IMMER ni gnue. auso, einen hab ich noch... "whiskey in the jar", sowit i das cha beurteile... :blush:

u denn isch s konzi ändgültig fertig. schad eigentlech. abr es isch suuuper gsi!!! :cool:


~nachem konzi~

mir si no chli go schnure. s nic u iri begleitig si gange. scho? ihr sit doch gad ersch cho!? :lol:
wo denn d chey u s gési si gange gsi, hei s funny_girl u i no öpis trunke u si denn richtig hotel abzottlet.
öpe so am halbi zwöi simer im hotel acho. am viertel vor heimer glöscht. u i ha no bis em zwöi... hmmm... drü gwartet. ha schliessli müesse gugge, ob s handy d zyt sälber umstellt... :lol:


~am selben tag, nur später~

jo, es isch halbi achti gsi, de wecker het tschäderet u es isch no viiiiiel z früeh gsi... vierehalb stund schlaf... yes!!! suuuper!!!
womer denn am nüni scho mit zmorge ässe si fertig gsi, isch d erkenntnis cho... mir hätte no länger chöne schlafe... :fake sniffle:
bis am zähni heimer denn derfür no einsidle erkundet. denn heimer uscheckt u si heizue.





Benutzerprofil anzeigen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 27-3-2012 um 13:52


super Bricht, fallen angel. (i bi nämli z'fuul gsi zum eine schriibe... :blush: )

Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 27-3-2012 um 14:51


Jesses bin ich jetz verschrocke, hani scho gmeint am 26.03. sig nomol e Release Party gsi und ich nid drbi, aber denn... Entwaaaaaarnung. :lol:

Merci vielmol fĂĽr Dis sehr coole Review fallen angel!!! Die Bude het grockt und gkocht. Es isch so z geil gsi.

Bi au no eine am brösmele, aber in de Ferie duurt das ame bitz länger. :lol:




www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 28-3-2012 um 20:23


UNBOUNDED Release Party @ Ziegelei Club, Einsiedeln 24.03.2012



http://www.youtube.com/watch?v=6mp4m4aoFws

Wie lang hämmer uf dä epischi Daag hi plangt, damit ändlich das UNBOUNDED Baby het chönne tauft wärde? Es isch bald nümm wohr, drfür hämmer in jeder Hisicht mächtig öpis z fyyre übercho. Und das möchti grad als erschts do uffüehre, wills so schön und sooooo sehr verdient isch, aber eso öpis vo:

Platz 1 SWISS Ex-Libris CHARTS
Platz 1 SWISS cede.ch CHARTS
Platz 1 1advd Charts
Platz 2 OVERALL LONGPLAY cede.ch CHARTS
Platz 15 iTunes Rock Charts

Und sit hüt isch es amtlich… guess what?!?

UNBOUNDED stĂĽrmt uf Ahieb Platz 19 vo dr offizielle Schwiizer Album-Hitparade

Aber vo vorne. D Organisation het e Ysehe gha mit dene wo vo wyter här chömme. Usserdäm hän tempesta bi dr „The Other Side“ Release Party erscht mit ere Stund Verspötig chönne afo spiele, will sichs churz vor em tempesta Gig gstaut het bim Ygang. Das Mol isch wohlweislich e Vorverkauf über starticket.ch lanciert worde, wo allersits sehr begrüesst worde isch. Und drum het sich scho vo Afang aa abzeichnet, dass tempesta in dr bis in die letschti Ritze usverkaufte Ziegelei wärde abrocke.

Mini Wenigkeit het sich gege 18.00 h Richtig Einsiedle uf e Wäg gmacht und uf halber Strecki no zwei usserordentlich nätti, ufgstellti Herre in Partyluune ins Auto iipackt. Dr Dritt vo de 3 Musketiere, mi Bruederhärzli, hämmer denn in Eisiedle iigsammlet. Aber bis mir dört acho sin, hämmer vor luter plaudere nid weniger als drei Usfahrte verpasst… und das trotz Susi… „Glaube da hettemer use sölle“. Aiiih, jetz wo’s seisch. Gestatten, ich, die Blond vo dr Spitex, bi d’Schuld. I sött definitiv nid so viel schnurre während em Autofahre. Item, d Ziegelei hämmer denn uf Ahieb gfunde. Alli drei Herre hän tempesta no nie live gseh. Alrightyyyyyy, sin Dir parat *händereib*?

S Empfangskomitee in Form vo de Hardcories, Gési, fallen angel und funny girl sin scho vor dr Ziegelei gstande. Jo Sorry Mädels, wir sind auch schon eingetroffen… Aber für das mir gar kei Zyt abgmacht hänn, hämmers eigentlich no ganz guet troffe. Sin glaub scho meh zämme unterwägs gsi:o))) Spöter hani s Nic denn per Zuefall atroffe, gar nid gwüsst, dass sie au mit vo dr Partie isch? Mir sin also wieder komplett gsi.

Während de Standortwächsel Bar/Raucherstübli/Bar hän sich denn no s Michèle und dr Manu zu uns gsellt. Dr Manu isch doch sehr freudig überrascht gsi vom einte oder andere Awäsende. Bsunders vom blonde Musketier, will die e paar Dääg älter Usgob drvo kennt er schients ziemlich guet. Jäää, Manu, do gsehsch emol. Mir sin alli do zum tempesta feat. Manu abzfyyre!!!!

Mir hän uns denn irgendwenn in d Nöchi vo dr Bühni begäh, will wenn scho denn scho wämmer uns au no dr Support Act SARZ ine zieh. I ha die Band bis dato noni kennt, rsp. mol ei, zwei Videos inezoge. Okay, mir löhn uns überrasche und… jawoll old school Rock Covers und eigeni Songs hän sie do ane dätscht. Die Band het sich in fantastischer Spielluune zeigt und dr Fronter het post was s Züg ghalte het. E coole Keyboarder isch au no mit vo dr Partie gsi, Sunnebrülle und e Kippe im Göschli. Ebe wenn old school, denn richtig. Ich ha mini helli Freud gha ab däm und ha ständig müesse grinse. Muess sage, mir sin in globo sehr positiv überrascht gsi vo däm coole Sound, will sie hän die Bude scho ordentlich ufgwärmt.

In dr Pause isch dr Gang an d Bar agseit gsi zum öpis Chüehls go gnähmige. In dere illustre Rundi simmer wieder vertieft gsi in Gspröch und hän doch glatt fascht s Crazy Intro verpasst. Gschnäll ufe in Bude und e Platz mit perfekter Sicht zur Bühni ignoh. S’Gési frogt no so: „Was isch los, ke 1. Reihe hüt?“ Vo näbe dra tönts: „I hebe Dir scho s’Handtäschli wenn vüre wotsch!“ Bim Wort Handtäschli… brönnt… hets mi scho s erscht Mol verbäst. Höret uf mit däm, mir müen jetzt seriös wirke.... Nei, drei Konzärt in einere Wuche… aber jo für was bruchi eigentlich mi Nacke überhaupt no? D Nackewirbel knacke eh scho ordentlich. Item, mir platziere uns öpe in dr Mitti.

Ich cha mir chum e bessere Opener für e tempesta-Gig wie „Crazy“ vorstelle, wie geil isch dä Song denn?
http://www.youtube.com/watch?v=hF1fJdj5Ak0
Crazy zündet eifach vo Afang aa und die ganz Hütte het bebt. D Bandmembers hän sich gegesitig pusht, und so het dä Gig scho vo Afang aa richtig drive becho. Dä Song überzügt nid numme uf dr CD, live stürzt er eim grad kopfüber ins Gschehe. Was jetzt in de nächste 90 Minute gfolgt isch, isch unglaublich. tempesta hän wiedermol spielgeil d Brätter gstürmt und ei Trumpf nach eme andere zückt. Mit geiler Rock’n’Roll Attitüde hän sie ei Hit nach em andere in d Rundi gschmisse. Rock’n’Roll bis der Arzt kommt. Dr Schwerpunkt isch natürlich uf em neue Album UNBOUNDED gläge, wo sie fast komplett zum Beste gäh hän.

Scho wo sie dr zweit Song „Children of Innocents“ agstimmt hän, hän bi mir wiedermol d Hoor um e Stehplatz gschleglet, wo eifach grossartig acho isch. E Reige an Highlights und Perle us em Huus tempesta het si Lauf gno. E ganzi Hampfle voll griffigi und ohrwurmstichigi Songs sin uf dr Setlist gstande. Scho bi de erste Akkörd vo „Talk Of The Town“ hän d Fans tempesta abgfiirt, mitgsunge, klatscht und grockt, dass es e wahri Freud gsi isch. D Stimmig isch nid eimol abgflaut in dr rappelvolle Ziegelei. Ei Hüehnerhut het denn au die nägschti gjagt. „I’ll Be Your Only One“ stellt näbe „Crazy“ mi absolute Fave uf em Album dar. Wyter gohts im UNBOUNDED Album mit em rockige „All I Ever Wanted“ gfolgt vo paar Evergreens wie“Nashville“ und „The Way It Is“ us em Vorgänger Album.

tempesta brilliere wyter mit em Goldstück „The Going Rate“ us dr Co-Fädere vo keim Gringere wie em Nickelback Fronter Chad Kroeger. Es isch definitiv nid z überhöre und eifach e geile Song. Mit dr Rockballade „The Way You Love Me“ isch e wytere Läckerbisse us UNBOUNDED am Start gsi und die Party isch immerno in vollem Gang bi gfühlte plus 50 Grad in dr Ziegelei. Die Bude het brodlet, nid nur kocht.

Okay, eins isch klar, wyter gohts mit Rock’n’Roll vom Fass. Tempesta chönne us em Volle schöpfe und das hän sie au gmacht. Egal öb mit em Titeltrack „The Other Side“ us em glichnamige Vorgänger-Album oder „Do You Understand“, „Stagedive“ und em fantastische „Fulltime Joker“ us em glichnamige zweite Album. Bi Fulltime Joker het denn dr 1. Special Guest Renato Burkhard vo dr Band Pigskin d Bühni grockt. Är isch eine vo dene, wo zu Zyte vo Fulltime Joker Tempesta an dr Gitarre ergänzt het. Mit dene Songs isch die Party eifach volle Hahne abgange und tempesta frenetisch abgfiert worde. In dr 1. Reihe hän sich d Headbanger gschlosse zämme do und sich fascht nümm iibecho. Die usglasseni Stimmig isch e wahri Freud gsi. Dr Reto het d Mängi voll im Griff gha und mächtig für Stimmig gsorgt. Em Päsce ischs e Gnuss zue zluege mit wellere Inbrunst är das Instrumänt beherrscht. Dr Ruedi het natürlich für e fette Bassteppich gsorgt. Und dr Armin hämmeret wie immer super cool, breitgrinsend und easy si Drumbeat drhär.

So und denn isch mir eimol meh knallhart vor Auge gfüehrt worde, dass ich s Durchschnittsalter empfindlich nach obe korrigiere due. Will s’Intro, alsoooo das Intro zum Uftritt vom Special Guest Manu, do bini denn völlig ustickt. „Keep your hands to yourself“… het wohl niemer kennt usser mir. Bi die einzigi gsi wo e Urschrei losloh het. Dä Song, loooooooove it sooooooo much. Hey Jungs, pleeeeeeeease eifach nägscht Mol no in full version. Das het mir jetz no massiv besser gfalle als s Original do: http://www.youtube.com/watch?v=AMFMf9cN64U

So, i ha do langsam aber sicher e Durscht verspürt, wo chum zum Ushalte gsi isch. Es sin gfühlti 50 Grad dört in gsi. Wie isch das nomol gange?!? Lieber Schweissperle als gar kein Schmuck... dasmol eifach im kollektive Partner-Look;-) Und die pralle Killerwärk stöhn uns jo erscht no bevor!?! Hei nomol, wie das au ächt no usechunt. Dr Manu isch natürlich frenetisch empfange worde und het mit em Reto, Päsce, Ruetsch und Rmine zu „American Badass“ e Punch aneglegt, dass die Bude gwagglet het, grad eso dass meh mit de Ohre gschlackeret het. Sofort isch die Bude wieder am rocke gsi. Meh het gmeint, es git kei Morn meh. Showtiiiiiiime! S Publikum isch ab wie e Rakete.

„I’m Back“ het natürlich nid dörfe fähle, isch doch e Live-Track uf em Album z finde: tempesta feat. Manu on guitar, wo am Neo1 Openair Huttwil ufgnoh worde isch. Jo vo dr Akustik här isch Huttwil natürlich mit Abstand s absolut beschti Konzärt gsi, woni vo de Tempestanier gseh ha. D Ziegelei , wo 350 Nase din Platz finde, loht e söttigi Soundwand natürlich leider nid zue. Egal, die Party do isch drfür unverglichbar geil gsi. Bi Opposite het natürlich die ganz Ziegelei mitkreischt:

Hey you,
now, i feel great all the time
here i go now, you all look at me,
i’m the chosen, i’m the one!

Zwüschedure hätt denn ändlich no s Baby UNBOUNDED sölle tauft wärde, wäge däm simmer jo schliesslich au do. Aber, jä wo isch sie denn?!? Meh het chönne meine, sie seig scho usverkauft, aber isch denn glich no eini vüre cho. Dr Reto het sie fyyrlich mit ere Jumbofläsche Champagner begosse. E anderi Fläsche isch durs Publikum greicht worde. Gläser hets keini gäh, drum het dr Manu s Unbounded Digipack grad drzue umfunktioniert. Aluege chame das do:
http://www.videoportal.sf.tv/video?id=8541a30e-277d-433b-b0c...

Wie das mit de geile Gigs ame so isch, sie sin viel z gschnäll immer verbi. Aber unter lutstarke Zugabe Rüef und grossem Jubel sin sie denn nomol zrugg uf d Bühni mit dr 1. Zuegob us dr Fädere vo Metallica: „Whiskey In The Jar“. Mini Kehle isch in dr Zwüschezyt komplett ustrochnet und bis i nach em Konzi ändlich zumene chüehle Drink cho wär… i has bim beste Wille nümm usghalte, und die 2. Zuegob Grow nur akustisch ghört. Schande, aber es isch Füüüürio Alarm gsi wo het müesse glöscht wärde.

Uf jede Fall die drei tempesta-Rookies, also die drei Musketiere, sin schwer beeidruckt gsi vo dere rattescharfe Sound-Performance und häns de Tempestanier au no grad sälber chönne sage. tempesta und d Fans hän sich a däm Obe total verusgabt. Mir sin alli fix und alle gsi. Aber dr Merch-Stand isch wäge däm trotzdäm gstürmt worde vo de Fans und d Jungs hän flissig müesse Autogramm gäh. Öpe 50 Albe sin übere Merch-Tisch greicht worde. Es sin am Schluss genau no 2 übrig bliebe. S neui Temp-Set het also komplett überzügt.

Mir sin uns denn no dusse go abchüehle mit eme Abstächer in s Süchteler Stübli und hän dä Obe usgiebig Revue passiere loh. Irgenwenn am 2 am Morge hämmer uns denn ufgmacht Richtig Züri.

Merci viel viel Mol Tempesta. Ihr händ a däm Obe zeigt, werum UNBOUNDED Minimum in d Top 20 vo dr offizielle Hitparade ghört. Bi megaaaa stolz uf Euch.




www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 29-3-2012 um 12:34


@chey: gopf, i bi niiiiid drus cho... bis mer isch iglüchtet, dasi s datum falsch töggelet ha... es isch jetz uf jedefall gänderet. :)

u de bricht... was sölli säge??? gäg dä chani iipacke... mir überlöh gloubs in zuekunft am chey z schribe vode reviews... :lol: wük suuuuupi!!! :)




Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 29-3-2012 um 13:24


Sicher nid!!! Ha schomol gseit, ich lies die vo andere au immer viel lieber. :lol: I gniesses ächt immer Euri Brichtli z läse. Pleeeeease wyter eso!!!!



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
fallen angel
Hardcore-DivertiMento-Junkie
*****


Avatar


Beiträge: 1765
Registriert seit: 5-10-2009
Mitglied ist Offline


[*] Verfasst am: 29-3-2012 um 15:47


oki. i chume mer drum so mikrig vor, wäg dini geng so mega läng und usfüehrlech si... :)



Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 29-3-2012 um 17:15


Quantität nicht gleich Qualität. ;) Mängisch villicht biiiiiitzeli :lol: z lang. Aber mir wänn jo nüt vergässe.

Respäkt vor jedem wo mini Brichtli bis zum Schluss liest und durehebt. :lol:




www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 29-3-2012 um 18:41


Jessäs, das isch jo en mega Bricht... Und das sölli älles lese?!


Nei, Spass beiseite :lol:

Isch en super Bricht und alles erwähnt, woni scho wieder vergesse gha ha...
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 30-3-2012 um 19:00


D Message isch übere cho. Nägscht überlohnis gärn Dir. :lol::lol::lol::lol:



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 30-3-2012 um 19:22


jo, isch scho guet :lol:

*grad id Agenda für sämtlichi möglichi Date im Auguscht oder September ineschriibe: ev. Tempesta Konzert und am Tag spöter: Falls anwesend am Tag vorher: Bericht schreiben* :lol::lol::lol:
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 30-3-2012 um 19:33


gefällt mir extrem:o)))



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 30-3-2012 um 23:09


Ig ha zu däm Abe nur no öbbis zuezfüege.....

Es het e Igangskontrolle gha... da das Konzärt ab 16i isch gsi... es het genau öbbert müesse der Uswiis zeige..... NEI, ABER NID IGGGGGGGGG...... I säge da nur.... the same as every concert... Passwort isch Summersound in Sursee... dert het au nur öbbert müesse zeige.....

:lol::lol::lol::lol::lol::lol::lol::lol::lol::lol::lol:




Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 31-3-2012 um 07:45


Also diejenig wird sich am Ygang vorhär au wieder ufgfüehrt ha. :lol:



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 31-3-2012 um 12:12


I weiss äbe nid.... I hase nid gseh.... :lol::lol::lol::lol::lol::lol::lol::lol:



Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 1-4-2012 um 20:15


gesi: I het en so oder so au müesse zeige, de Security-Typ het min Uswiis nämli relativ gnau aaglueget und die vo de Kasse het en jo glaubs au fascht nomel wölle gse (wobi's det denn no drum gange wäri, öb i würklich volljährig bi oder nöd)

Aber dür das dass ich jo regelmässig jünger gschätzt wirde als mini 17-Jährigi Schwöschter (!) chani no lebe demit. Vor allem will i doch no es paar Mönet jünger bi als du.:lol:
Benutzerprofil anzeigen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 2-4-2012 um 00:07


Bis 25gi findisches ja no luschtig, wenn de unger 18i gschetzt wirsch... aber mit 27gi unger 16 gschetzt z wärde... das duet weh.... :lol::lol::lol::lol::lol::lol::lol::lol::lol::lol:



Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 2-4-2012 um 07:39


Also i wött jo nid wüsse wie das usgseht, wenns emol NID weh duet. Die ander isch dört scho fascht verreckt... vor lache. :lol::lol::lol:



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 2-4-2012 um 19:57


püüüüüüüüüüüüüüüüüh du... ha heimlech schnäu is suurstoffzäut müesse.... u jez si d Muuegge scho wider hinger de Ohre... :lol::lol::lol::lol::lol:



Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 7-7-2012 um 10:29


TEMPESTA LIVE @ SWISS HARLEY DAYS 06.07.2012



Mir sin am 18 h dört iigfahre und hän mit eme riese Glück dr letscht Parkplatz just vor em Iigang verwütscht. Denn simmer go lädele. Läck hets dört geili Ständ gha. Mir sin gar nümm zum stune us cho. Mir hän also e Stange Stutz dört lo liege. Mir hän dänkt, wenn dr Iitritt scho gratis isch… aber die Rächnig isch irgendwie nid ufgange:o)))

Aber dr Focus isch natürlich zerscht emol uf dene uftiuuuuunte Bikes gläge. Alli uf Hochglanz useputzt, hesch also e Sunnebrülle brucht. Au suscht, rund um Brunne hets rabeschwarz am Himmel usgseh, aber über Brunne sälber het d Sunne dur d Wolke dure glacht. Wär jo suscht ächt schad gsi um die Prunkstück.

Und scho isch do no e Trupp Hells Angels mit ihrne Bikes in Brunnen iigfahre. Uiuiiui. Aso e Ärdbebe isch e Dräck dregege:o))) Imposant, aber au bitz unghüür.



Do hän Dir no e paar Ydrück wo mir gwunne hän:
https://www.facebook.com/tempesta.ch?ref=ts#!/media/set/?set...

Luege und lädele git Hunger und meh het eifach nid gwüsst, wo dass meh söll afo.

Wir bieten Ihnen eine SpitzenkĂĽche direkt von den mehrfachen BBQ & Grillweltmeistern
http://www.swissharleydays.ch/shd.cfm?pageid=223&lang=de

Jo und es het au suscht no paar ganz gediegeni Ort gha für e real american Gaumeschmaus. S Schlaraffeland lässt grüssen.

Am Schluss hämmer diräkt no müesse pressiere, dass mir rächtzitig vor dr Concert-Stage stöhn. Punkt 20.45 h hän d Tempesta’s afo spiele und grad mit Crazy Brunne am Vierwaldstättersee duregrockt. Das Wetter hält!!!!!!!!!!! Au wenn do anschienend e paar Angst um ihri Bikes gha hän. So viel Publikum hets drum leider nid gha. Aber e Trupp Hells Angels (mir hän e Sicherheitsabstand iighalte) isch beidruckt gsi, vo dr Live Performance und hän jetz ächt sogar mit grockt. Es isch irgendwie ganz e bsunderi Stimmig gsi, will plötzlich au no starke Wind ufcho isch und meh s Gfühl gha het, es will jetz denn afo rägne. Aber das Wetter hält immer noch!!!!!!!!!

Tempestanier hän alles gäh und dr Sound isch vom ALLERALLERFEINSTEN gsi. Öpis vom Beschte am Ufer vom Vierwaldstättersee und umgäh vonere imposante Bärgkulisse. Und das chlini aber fiini Publikum ufere riesegrosse Wiese het d Tempestanier agführt.

90 Minute temp-Sound allererster Güeti. Nach dr CD Taufi hän sie jo s UNBOUNDED Set s’erscht Mol Openair chönne us choschte. Also die 1 Stund 40 Minute Areis het sich voll rendiert. Es isch jetz eso geil gsi. Für alli öpis drbi, rockig und balladig us em Unbounded Album, rockig und Country us em The Other Side Album und Hardrock/Metal us em Fulltime Joker Album. Es het sich vor dr Stage e Reihe Headbanger ufgstellt. Chopf abe und schüttle. Also wenn die kei voll krassi Ghirnverschüttig gha hän, denn weissi also au nümm.
Bim American Badass het also dr Hinterletscht au no mit g'chreit und Pommesgable uffe gstreckt.

Nachere Stund het glaub dr Reto dr Tönlipimp falsch verstande, anstatt thirty minutes to go het er anschienend four minutes to go verstande. Uf jede Falls hän sie denn no e halb Stund dra ghängt. Zu geil gsi.

Reto: "Ja jetz ööööhm, was spiele mir jetzt, fömer namal vo vore aa?"

E riese Glächter im Publikum, es isch zue sympathisch und lustig übere cho. Aber die wenigste do kenne tempesta, und ihri Live-Fähigkeite hän sie total unterschätzt. Sie hän de Headbanger z lieb no Metal us em churzärmlige Liibli gschüttlet und s Fulltime Joker Album isch use cho. Woooow hätt das gchesslet.

Wo sie sich ändgültig hän welle verabschiede, sin us em spärliche Publikum Zugabe Rüef ertönt, wo nid hän welle abklinge. Dr Verastalter het ihne denn no e allerletschti Zuegob gwährt und so hän sie sich mit GROW vomene super Gig verabschiedet. Es isch e Konzi allererster Güeti gsi.
Chum hän sie dr letscht Ton gspielt, het dr Himmel sini Schleuse ufgmacht und es het also afo schiffe wie useme Wasserfall. Dä isch wohl au trurig gsi, isch fertig gsi. Mir hän e Rägeschirm drbi gha, hätte mir keine drbi gha… hätts sicher dr ganz Obe gschifft. Aber eso isch eso eifach e traumhafte Event gsi für d Auge und d Ohre.





www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
gesi
Wandelndi Plauder-Chnoschpe
****


Avatar


Beiträge: 894
Registriert seit: 8-3-2011
Wohnort: Deheime
Mitglied ist Offline

Motto: Leben ohne Humor ist wie Nutellaschnitte ohne Nutella!

[*] Verfasst am: 7-7-2012 um 10:47


danke... jez bini doch au no echli derbi gsi.... ;);););)



Man nennt mich auch Egüüü oder gspieglets Grave... Aber tauft bini Géraldine und i läbe dermit...... ;)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 7-7-2012 um 19:15


Es git no ganz viel temp Konzis, s nägscht Mol chärele ich Di dört hi, cha passiere was wott. ;)



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
funny_girl
Hardcore-DivertiMento-Junkie
*****


Avatar


Beiträge: 1276
Registriert seit: 14-10-2009
Wohnort: uf em Land im Kanton SG
Mitglied ist Offline

Motto: Kein Motto

[*] Verfasst am: 7-7-2012 um 19:22


ui, en schöne Bricht.
I muess jo zuegeh, i has total vergesse gha, dass die Wuche eigentlich no es Konzi gsi wäri...
Jo nu, im Auguscht denn hoffentlich...
Wer chunt mit? :)
(mir goht glaub nume 11.8 oder 24.8, aber muess zerscht nomel luege...)
Benutzerprofil anzeigen Alle Beiträge des Benutzers ansehen
Cheyenne
Administrator
********


Avatar


Beiträge: 2701
Registriert seit: 5-10-2009
Mitglied ist Offline

Motto: Kein Motto

[*] Verfasst am: 7-7-2012 um 19:28


Also in Glarus chame nid mit mir rächne, aber das het do drmit z due, dass also die Künstler wo susch no drbi sin gar nid mis sin... :no:



www.divertimento-fanclub.ch
You think I'm crazy. Well, then let me tell you: it's even worse! And I like it!
Benutzerprofil anzeigen Homepage des Benutzers besuchen Alle Beiträge des Benutzers ansehen
 Seiten:  1  2  

  Gehe zum Anfang

Powered by XMB
XMB Forum Software © 2001-2012 The XMB Group