DivertiMento's Plauder-Lounge

Plan B Show-Nachlese

 Seiten:  1  ..  10    12

funny_girl - 1-5-2011 um 17:01

Dernière Casinotheater Zug, 30. April 2011

Me weiss gar nöd wo aafange, aber am beschte fangi mol vorne ah, i hoffe, i bringes einigermasse chronologisch und richtig here. Mir isch zwar no erschtundlich viel in Erinnerig, aber mi tunkt’s i ha au scho wieder jede Menge vergesse, aber irgendwie hani mit Arial 12 gliich bis ane bizli 3 Siite vollbrocht, usserdem beruef ich mich bi einigä Sache uf mini Schwöschter, will sie halt zum Teil us de 2. Reihe Sache gseh het, wo us Reihe 16 schwer z’gseh si sind.

Mit minere Schwöschter bini vom Bahnhof Zug zum Casino hereglaufe, mir hend also no en gmüetliche Spaziergang gmacht. Es paar Meter vor em Casinotheater gsend mir scho s’fallen angel warte, mit em meimei wo mit ihre mitgfahre isch. Gliichzitig chunt s’Tanscha mit ihrere Truppe (Doris, Gesi, und 2 Nochberschind) au grad det her. Mir hend denn no gschwätzt und denn isch au scho de Rescht cho. Mir sind denn is Restaurant und hend’s würklich sehr lustig gha wäre dem Esse. Mir scho, de Chellner glaub weniger. D’Ziit isch uf jede Fall mega schnell verbi gange und mir sind denn nochli fruse, wommer denn no de Gysmo mit Begleitig troffe hend und hend chönne s’Gschenk (en Bluemestruss mit drigsteckte Kirschstängeli und e würklich sehr, sehr schöni Uszeichnig, in Form vomene Pokal, wo s’Sekiuriti gmacht het) übergeh.

Denn isch es mit Sack und Pack in Saal gange, wo mer no die letschte Sache koordiniert hend, was allerdings weg de Platzverhältnis (Klappsitz) gar nöd so eifach gsi isch, aber irgendwie isch’s gliich gange. Allerdings hend mir uf’d Buechstabe müsse verzichte, will’s verchert gsi wär.

D’Show het mit ere churze Aasproch vom René Tanner und vom Marco Schneider aagfange. Sie hend under anderem verzellt, dass d’Divertimentos mit Plan B über 240 Mol uf de Bühni gstande sind und’s debi zu kei Verletzige cho isch und niemert würklich es Suustoffzelt brucht het.

Denn isch es denn au würklich los gange. Bim Fehlstart, wo de Küde het wölle am Didi klar mache, er söll ab und zue di falsch Musig iispiele, seit er: „Didi, also Dietmar, isch jo en Dütsche“ Denn isch d’Begrüessig cho, au hüt, isch s’Mikrofon nöd ufegschalte worde, Kommentar vom Jonny: „Dütsche Schofseckel a de Technik.“ De Jonny het denn no mehrfach erwähnt, dass er eigentlich Jonathan tauft worde isch.

Bim Tagebuech: Jonny: "da habe ich vor Freude einen Salto gemacht. Jo, Manu, mach das jetzt mol." Manu: "Ich gos hinderem Vorhang go mache."

Heini und Asharan: De Heini het sich hüt wieder sehr viel Müe geh mit de Frisur, d’Hoor sind extrem usegscheelet gsi. Für’s allerletscht mol, het er natülich au sehr fescht gschpüderlet, zumol die erscht Reihe würklich fascht bi de Bühne zue gsi isch, isch aazneh, dass er au troffe het. Denn isch de Meischter Asharan cho. De ganz Saal het g’lachet, will es isch nöd de Jonny als Asharan verchleidet gsi, sondern de Manu, das het denn au erklärt, wieso dass es so lang gange isch, bis de Asharan ufd Bühni cho isch. Im Gegezug isch denn de Jonny mit em Fuessgängerstreife-T-Shirt und Perügge als Heini uf d’Bühni, go de Asharan us em Konzept bringe. De Manu het sich also im Berndütsch versuecht und isch zum Schluss cho, de Jonny chöng das besser. De Jonny het im Gegezug als Heini Müeh gha, sich so z’bewege und so z’schwätze wie de Heini normalerwiis schwätzt. Meh hani leider vo luuter Lache nöd mitübercho.

Rowdies Polka: Hüt hend’s mit ihrere Lokomotive sehr viel schwung gha, sie sind uf de Siite grad underem Vorhang dure, und de Gian-Franco het de Rescht vo de Nummere ohni Perügge müsse absolviere, will er sie bim hinderem Vorhang fürecho verlore het. De Küde het wölle wüsse, wie das so mit dem Trocheiis so isch und isch au vor’d Näbelmaschine gstande. Er het’s denn aber nöd soo toll gfunde.

De Therapeut schisst sin Job scho sit 150 Shows a, drum het er beschlosse, er verabschiedi sich grad wieder und isch hinder de Bühni verschwunde.

Bim Afrikareferat het de Jonny natülich au a de Dernière erwähnt, dass a de Shows z’Bern d’Lüt de Witz mit em Moosambike nöd tschegged hend. Er het aber vo einige Siite Pfiff und Buhrüef z’ghöre übercho. Wie bereits z’erwarte gsi isch, wird de Wugudugu uf de erscht Mai (aso hüt) usgschafft. Ich persönlich find das sehr tschad :) . De Wugudugu het denn au zersch normal trummelet. Nochher het de Jonny nöd nume de Baschtrock, sondern au no de Schiazug, samt Helm und Schibrille aagha. Zum Schüsse het das usgseh. Die ganz Crew isch au no uf’d Bühni cho und het i afrikanische Chleider mittanzet. Aso i bi vor luter Lache froh gsi, dass nochher Pause gsi isch.

I de Pause hemmer denn alli mitenand d’Lüchtstäb verteilt. Wenn’s au sehr chaotisch worde isch, de ganz Saal isch schlussendlich demit iideckt gsi. Do dezue aber spöter no meh.

De Mäge, de arm cheib isch immer nonig us de Höll usegvotet worde. Sogar de Gian-Franco isch i de kuschlig weiche Abteilig, wien er voller Stolz mit de Engelsflügeli zeigt het. De Mäge het das sehr unfair gfunde.

Denn isch scho d’Datingshow dra gsi. Wenn au chli andersch als suscht, will hüt isch en Singelkandidat dra cho. Philipp het er gheisse, vo Bruef Detailhandelsfachmaa. De Gian-Franco hegi au en Schisstschob. De Dave isch sehr überrascht gsi, und het sini Freud uf üsserscht luschtigi, leider unbeschriblichi Art zeiget, de Philipp z’gseh, er heg de Philipp z’Mykonos i de Ferie kenneglernt gha. De Philipp het denn au zig Übernäme verpass übercho, eine devo isch Phippsy gsi. De Dave het natülich au wieder em Gian-Franco ad Gschlechtsteil hereglanget, woruf de Gian-Franco meint: „das wiri denn scho vermisse.“ De Manu als Dave: „Ich nöd.“ S’Ave Maria vom Jens het au nöd törfe fehle. Er het churzerhand „de Philipp isch mi Maa“ drus gmacht. De Harald het vom dünne Exfründ verzehlt, aber het denn g’merkt, dass er sich das vorher besser heti müsse überlegge: „Min Exfriind isch eso dinn gsi, wenner e Olivu gesse het, het mer gmeint er segi schwanger.“ Em Hanspeter sis Sprüchli hani mir bim beschte Wille nöd chöne merke, leider. De JK het denn gfunde, de Philipp söl doch so guet si, und s’Mikrophon de Fründin wiitergeh. Für d’Entscheidig het denn de Philipp s’Mikrophon wieder übercho. Er het sich für Kandidat 3 entschiede. De JK het zersch wölle ufbegähre, bis er g’merkt het, dass er de Philipp gar nöd mue hei neh.

Denn isch au scho de Italostar dra cho. D’Underwösch isch verteilt worde, en no sehr junge Bueb het au es Wäscheteil übercho. Dodruf het de Jonny gfunde, de Vater heg freud dra. Em Jonny isch wieder mol s’Auto klaut worde. De Jonny entgegnet aber: „goht nöd, bi mit em Taxi do, wöt no suufe nachher.“ De Mauro Parmecano isch mit em Sugo uf Zugo greist. Während em Italostar sind nebet de Underhose wos verteilt hend, au Windle uf’d Bühni gfloge.

Und denn isch es cho: für mich persönlich s’Highlight vom ganze Obig. Es riise Lüchtstabmeer. Es het unbeschriblich schön usgseh, mir hend also würklich enormscht devo profitiert, dass mer relativ wiit hine ghocket sind. Es isch richtiggehend in Hindergrund trette, dass de Jonny und de Manu zweite hend wölle uf „Ten Tenors“ mache. Was mich denn doch sehr verwunderet het, dass de Manu trotzdem vo de Bühni isch. Will i ha i de vordere Reihe müsse Zettel für d’Lüchtstabaktion verteile und es isch unmöglich gsi, vorne durezlaufe, wenn lüt det hocket. Am Schluss vo de Nummere het’s no Konfetti greggnet. De sehr emotional Moment het de Divertimentos doch echli füechti Auge beschert. Und als pompöse Abschluss het’s no e absolut hammermässigi Standig Ovation geh. Aso so öpis hani i mim ganze Lebe no nie gseh, es het nüme wölle ufhöre.

Nach de Show: mir hend denn nochli g’wartet und sind nochher de Divertimentos no üses Gschenk, üse RhB-Wage go überreiche. Sie hend mit viel Freud aagfange uspacke und sind glaub echt überrascht gsi, was mir alles gmacht hend.
Denn isch es denn au scho langsam heizue gange, mini Schwö und i hend schliesslich no e guet zweistündigi Zug und Nachtbusfahrt vor üs gha.

Danke möcht ich (me weiss fascht nöd wo aafange): Dene wo üs ermöglichet hend, dass mir hend dörfe a die Dernière cho. I find’s jetzt no de hammer, dass mir do eifach so iiglade worde sind letscht Johr. Denn wet ich au allne danke, wo s’meischte organisiert hend, will ihr hend echt jede Menge Arbet dri gsteckt. Ebeso wöti nomel en Dank an Gysmo usspreche, will was de für üs scho alles gmacht het, sagehaft und vor allem mega schnell. Au em Jonny und em Manu für de Lachmuskelkater woni amel noch de shows gha han. Usserdem au en Dank a die Person, wo irgendwo vorne i de linke Hälfti hhocket isch und so lut glachet het, das Lache isch so aasteckend gsi, dass mer au het müsse lache. Danke möchti au de Schiibe im Nachtbus vo Will uf Wattwil, das sie det gsi isch, wo sie gsi isch, suscht heted mir die volli Ladig Chotzi abübercho, so sind mir vom meischte verschont blibe, aagnehm isch’s aber gliich nöd gsi. Und em junge Burscht wo besagtes Werk vollbracht het, roti, s’nöchscht Mol nöd so viel z’trinke, wenn er de Alk nöd mag verlide.

S'Wichtigscht hani doch wieder vergesse, schäm di, funny_girl, pfui :) : Trotz dem chline Zwüschefall isch das für mi mit Abstand die bescht Show gsi, woni bisher gseh han, das wiri denn wohrschindli no mine Enkel verzelle :)

*Showbricht Ende*

Cheyenne - 1-5-2011 um 17:28

Haaaaaammer Bricht funny girl. Merci Tuusig. Jetz weissi ändlich, was i alles wieder vergässe ha.

Ich gniess es immer, au mol d Show usere andere Sicht z'läse. Niiiiiiice!!!

funny_girl - 1-5-2011 um 17:46

Merci für's Kompliment, Cheyenne. Säged mer's mol so, de Bricht isch fertig, d'Husufgobe nöd.... (aber i ha gfunde, bi dere Hammershow chönd d'Husufgobe für eimol warte) :)

gesi - 1-5-2011 um 17:52

Danke für dä Hammer Showbricht.... Mir chunnt no öbbis z Sinn vom Tagebuech... Der Jonny het vorgläse, är hebi vor Fröid e Salto gmacht..... Ja Manu, mach mau..... ;)

funny_girl - 1-5-2011 um 17:55

stimmt, Gesi, das hani jetzt voll vergesse. I tues jetzt mol i mim Bricht dezuefüege, wenn das in Ornig isch...

meimei5Stacks - 1-5-2011 um 18:03

@Cheyenne: Jaja mit dr grössi hani mängisch oh z'Kämpfä obs iz i positiver - oder negativer Sicht isch ;)
Ah und no öbis, eifach würkläch hammer Bricht !!!
Macht gad luscht uf nomau ga luägä :):) Eifach genial merssi.

@funny girl: Oh mega meega äs grosses Thanks ah di, di Bricht isch o dr ober hammer,... dir sit eifach aui scho so Profis im Show-Brichtä schribbä.... merssi oh dir !!


Hm.. aber de brobiärä ig mi doch de oh mau ah eim, aber ig muäs euch leider eintüschä, wöu ig doch no zersch haut Ufgabä muäs machä :(

Aber morn hani Ziit :smilegrin::smilegrin:

Cheyenne - 1-5-2011 um 18:58

Ouuuu fascht vergässe, e riiiiiiese Merci an ehemolig Schefe vom Tanscha, dä wo e Rundi usgäh het. Isch denn guet ii gfaahre. :lol::lol::lol: au ohni Alkohooooool :lol::lol::lol:

funny_girl - 1-5-2011 um 19:14

mischt, das hani au vergesse.

au es riise merci vo mir.

Sekiuriti - 1-5-2011 um 19:32

merci vüu mau für die Showbrichte wo scho dinn si, Hammer!!

30.04.2011, Dernière, Sugo

Derniere … uiui, scho nes nöis Programm?? Auso mit dene Änderige hätte si jetz eigentlech die nöchschti Tour grad chönä ahänke. Plan B reloded oder so …

Mir schriibe dr 30. April 2011 – Armageddon – so quasi. Hüt geit d’Aera vo Plan B z’Änd. Und wie sie z’Änd geit! Mit Rolletuusch und Lüchtstäbli-Meer. Es isch e meh aus würdigi Abschiedsshow gsi. Eifach dr absolut hammer, DANKE VIIIIIIU MAAAAUUU!

I ha mi hüt zerscht mau dr ganz Tag müesse finge, mi wieder gspüüre, damit ig die Dernière doch ou no so einigermasse zumindescht uf Papier, pardon, ufe Büudschirm bringe. Dr Ent-Zug nach Zug het gloub scho mit vouer Wucht zuegschlage … :(

Bi schönem Wätter hani mi ufe Wäg nach Zug gmacht und s’het sich so breicht dass mir aui fasch mitnang dert acho si. Mir hei de no sehr fein gässä und bevor mir i Saal si simer no mau go früschi Luft schnappe. Dert hei mer de ou dr Gizmo und sini Frou kenneglehrt. Seeehr nätt, und ächt kuul gsi ändlech mau die Person wo da sovüu Zyt für üs inveschtiert, kennezlehre!
Denn si mer de mau i Saal – wow, ufstigend gstuelet, Chino-Sässle, was wosch meh? Überblick vor 16. Reihe hesch ou – prima! Let the show begin!!
A dere Steu no e chliini Amerkig: I bi ja am Rand usse ghocket und näbä mir isch d’RHB-Chischte deponiert gsi mit em Pilz drinn. Louft doch eini düre, luegt dri und seit: „Jetz hani gmeint die heige es Chliises drbi! …“ Das foht ja guet aa … Papa dommeee wo bisch?? :lol::lol:

Am Afang chöme aber da zwe angeri Herre uf d’Bühni. Aha, loht me sech für d’Dernière lo double, si si dänk scho am suufe … ;) Neiii, es si dr René Tanner und dr Marco Schneider, s’Management, gsi wo verzöut hei wie vieli Shows die beide gspielt hei und sich no bi Coop bedankt hei. Und wär no nie e Dernière miterläbt heigi, do isch si!!!

D’Stimmig isch scho dr Hammer wo dr Küde uf d’Bühni chunnt. Är rüeft em Gianfranco. „Werum chunnsch du eigentlech wieder z’spot?“ – „I bin immer eso spoot koo!!“ Dr Küde rüeft de no em Didi. Didi! Dieter!! Är isch ebe Tüütsche! Duesch dene ab und zue die lätz Musig ispiele, gäll …“ … und de si si verschwunde.

Während dr Asag positioniere mir üs no schnäu mit em Banner härä und hebe ne während em Begrüessigsapplaus ufe.

Was si am Afang aues gseit hei weiss ig nüme, nur dass dr Jonny gseit het, dass är eigentlech Jonathan heissi …

Tagebuech: Wäg irgendöpisem het dr Jonny Fröid gha …: „Vor lauter Freude habe ich einen Salto geschlagen“ … eh, dr Manu het a däm Satz gloub grad nid so Fröid gha, und het zerscht mau chli überleit, was er äch jetz söu mache. Är louft de richtig Vorhang und meint, är miechne schnäu dehinge … S’Holzding mit de Saite dranne het er em Jonny de ou wieder zünftig ad Schüssle dätscht. „Het uf beidne Site chli hohl tönt!“ Nachem Nase-Schlabber meint de dr Jonny: „Das wird ich vermisse. Drum hani mer jetz en Hund kauft“. :smilegrin:

Dr Gianfranco kündigt dr Heini aa. Däm sini Frisur isch mau wieder verbotte. :lol: Är jammeret de ou, was aues kaputt sig, Wirbu, Bandschiibe … är isch de ou ganz kribbelig woner dr Asharan akündiget und verschwindet nach dr Asag rächts hingere Vorhang. Rächts?? Süsch isch er immer links hingere? Komisch. No komischer, dass es so lang duuret bis dr Asharan füre chunnt … Aber är chunnt de doch no. Es git vereinzelts Glächter. Nach gfüeute 10 Stung ha de ou ig böggt, dass unger dr Asharan-Verchleidig nid dr Jonny sondern dr Manu steckt. Oh mein Gott. Wenn dr Manu dr Asharan spielt, de müesst ja dr Jonny …. JAAAA, und da luegt er ou scho hingerem Vorhang füre, mit schwarzer eifach nume doof ussehender Perrücke!! :lol::lol: Sie hei sech beidi gloub nid ganz so wohl gfüeut im Rolletuusch, aber es isch eifach zum Tränä lache gsi!! Wie isch das gsi, es heig no nie öper es Suurstoffzäut bruucht? I gloub spötischtens bi däm Rolletuusch hätte einigi eis nötig gha!! :lol::lol: Em Manu isch die Gschpürschmi-Sach de ou z’blöd worde und d’Nummere isch chürzer gsii aus normal … zägg und wägg si si gsii …

Es isch Zyt füre Therapeut. Jo läck du mir, zägg do bini, zägg und wägg bini… „Sit x Shows schiists mii aa die Nummere z’spiele, danke, ade mitenand …“ Ehm. Jo. Dä isch dütlech gsi …

Bim Afrika-Referat isch irgendwie nid so vüu glachet worde, was ou em Jonny ufgfalle isch. S’heige äuä nur die 10 glachet wo s’Programm hüt zum erschte mau gseh heige … Denn chunnt dr Wugudugu, spielt uf sire Trummele und rüeft em Jonny … oder gloub ebe em Jonathan ;) … Dä chunnt. Hüt usgrüschtet zum go schiifahre, Vollmontur Helm, Brüue, Schijagge, Schiischueh, aber natürlech s’Rasierpinsugwändli gliich ou no anne. Süsch hets ne ja gäng agschisse, aber hüt het er gmeint: „So, dene zeige mers jetz“. Und wo sie föi afo tanze chömä da no so vier Wugudugu-Family-Members ufd Bühni – die hei richtig Party gha :lol::lol::lol:

D’Pouse hei mir mit schaffe verbrocht. Jojo, das chöi mir ou. Fliessig hei mer d’Lüüchtstäbli und Zetteli ad Pimps und Tussis brocht. Es het mi doch sehr erstuunt, dass da aui so bereitwillig die Sache entgägägno hei. Ufgrund vo dr chli schwierige Verteilig hei mer eher chli bangi Momänt gha, öbs äch ou klappet wie mir das vorgseh hei. Eh jo, mir gsäis de. Pause pfettig, witer geits.

Lut em Gianfranco het dr Manu e uralti Nummere usgrabe woner mau imnä Altersheim gspielt het. Aber hüt passi das NID iine … De chunnt er, dr Mäge, und verzöut echli, und erklärt, dass ärs grad gmerkt heig, dass da öpis fautsch gange sig. Dert wo si entscheide,wär schicke si ufe, wär schicke si abe – ui – irgend e Wirbu oder e Bandschibe isch ou da kaputt … Zu auem ane „flüügt“ dr Gianfranco o uno mit ängelsflügeli über d’Bühni, was dr Mäge schampar ufregt. Dass so eine darf dobe si und är müessi da unge hocke … :mad:

Datingshow. Öfter mal was Neues het sich schinbar dr Gianfranco dänkt. 240 Shows lang heige si immer e Singlekandidatin gha, aber es gäb schliesslech ou Manne wo a Manne Fröid heige ... Är luegt ume und fingt eine … „Bisch Du no Single?“ Nei. „Bisch Du schwul?“ Nei. Egal, är nimmt ne trotzdäm. Är heisst Philipp und isch Detailhandelschoufma. Dr Dave chunnt und frogt was är vo Bruef isch. Gianfranco: „är isch schwul“. Dr Dave luegt de dr Philipp chli gnauer a … „Philipp!! Fipsy!!!! … uiii, näääii … weisch no, Mykonos 20xx“ ….
Dr Jens touft dr Philipp i Pippo um und im Lied singt er „Aaaaaaaaaa- dr Pippo isch mi Maaaaaaaaa“.
Dr Harald het sich – angesichts vom männleche Singlekandidat – mit em Spruch vor Olive e chli verdoo …
Dr Hanspeter het no es Värsli dichtet: „Es isch beschisse wenn de hürotisch und die ganzi Wält di drbi duet begaffe – no beschissner isch wenn nachem Chind wägele am Obe muesch go schaffe“.
Dr JK het bim Ablick vom Philipp grad mau Krise gschobe. Das isch ja en Typ! Das geit ja gar nid, är söu s’Mikrofon mau ihre näbädra gä. Das mit de Böim-Sitzige chaner no immer nid verstoh. „Geisch de so tschillig zum Baum ane, chlopfsch ad Baumrinde und seisch: He Baaaum, hesch Du dr Jonathan gseh???“ :lol:
Entschiede het sich dr Fipsy, Pipo oder Philipp füre Hanspeter. Da chunnt dr JK füre und wot afo stänkere, merkt aber de, dass er froh isch dass er sich nid für ihn entscheide het. ;)

Italo-Star isch normal übere.

Und deeeennnn … Deeennnnn … Flick-Flack-Boys!!! Jetze, Lüüts. D’Ufregig stiigt. Lüchtstäbli wärde knickt, gschüttlet, und … im ganze Saal gschwänkt … Zur Ten-Tenors-Version vom Schluss-Song isch dr Casino-Saal ines Lüchtstäblimeer verwandlet worde. So vo obe abe hets eifach haaaammmmmeeermässig usgseh, Hüehnerhutfaktor – drzue d’Hammerstimme vo de beide Tenör – e bessere Abschluss häts nid chönä gä! Es isch vou ufgange, es het vou klappet, es isch eifach nur Gänsehuut und Emotione puur gsi. Ou die aschliessendi ellelängi Standing-Ovation isch seeeehr idrücklech gsi und het chuum me es Ändi gno. Sie hei sich de no bedankt und o uno ihri ganzi Crew uf d’Bühni gholt. Ja und denn isch pfettig gsi. Pfettig für hüt, pfettig fürs ganze Jahr, pfettig Plan B …

Es Riese, riese, riese Dankeschön für dä extrem mega hammer Abschluss und überhoupt eifach für die ganzi Tour!!!



gesi - 1-5-2011 um 19:37

Mini Hoor schlegle grad ume Stehplatz... Je meh Sache mir i Sinn chömme desto schlimmer wirds.... Danke für dä super Bricht...

fallen angel - 1-5-2011 um 20:31

samschtig, 30. April 2011... zugo... the very last one... dernière...


~areis u vor de show~

so gäg di zwöi fahri los. s erschte ziel uf de reis isch e strass irgendwo ir nöchi vo thun. det triffi ufz meimei u iri mom... zwöi, drü minute speter fahre mer los...

ziel nummer zwöi isch s casino theater in zug. susi programmiere und ab die poscht...

e bitz zfrüeh... jo, früehstart... walà... simer denn z zug acho. es isch so um di zwänzg vor füfi gsi. s meimei und i stö am fuessgängersteife diräkt vorem casino und... och nö... d kruu steit vor de tüüre... sech nüt la amerke u sech eifach diräkt vore iigang stelle... laaadidaaa... :lol:
e paar minute speter chunt ou de manu. vo ihm gits e begrüessig u d nachfrag nach "füür". u denn gits ou no e begrüessig vom jonny u vor räschtleche kruu.

wider paar minute speter chunt e ganzi tschumplete vo hardcories dezue. wo denn s tanscha u s aninchen gö go d rhb hole, meine mer scho fasch, di sige z ganze bem tanscha daheim go hole. so lang hei die gha. abr es git e erklärig defür... nämli... jo, genau. de ganz huufe isch jetz binand.

mir gö iche is reschtorant, trinke (alkoholfreii) getränk, ässe öpis u lache u hei e gueti zyt.
denn heissts scho langsam ufsta und iche mit.
vorhär träffe mer abr no de gizmo. üse one and only webmaster, wo ganz viel arbeit i üsi homepage investiert het. da no eis es riiiiiiesegrosses MERCI!!!
denn weimer iche ga u da träffe mer no ufne anderi kruu... tempesta. e viertel devo früsch usem wk... :lol:
denn geits abr definitiv i saal. üsi plätz ir 16. reihe si gar ni mal so schlächt... could be worse... ;)
mir parkiere üsi rhb u näme platz. denn geits ou scho los...


~d show, teil eis~

de saal wird e bitz abr no ni vollständig abdunklet u s mänätschment chunt ufd bühne. si bedanke sech afe im vorus defür, dass si mit üs gäld verdiene u ou für d unterstützig u was weiss i... :)

denn isches ändgültig sowit...
es faht a... u es faht guet a... de küde chunt use, s publikum git applaus u d bühne isch mal wider ni parat. scho zum 248. mal ni... was sölls... u wo isch de bündner??? jo, dä chunt ou scho zum 248. mal z spät... wi immer.
ja nu... chum, bühne ufruume... beweg dis bündnerfleisch!!!

de jonny u de manu chöme ufd bühne und es git applaus. si hei kes programm gschribe. das verzelle si sit zwöiehalb jahr u s publikum wots ifach immerno ni gloube.
de jonny stellt sech vor, wet öpis privats verzelle... öhm... jo, mi geburtsname isch eigentlech jonathan. jä so... interessierts öper? me weises ni so genau. :smilegrin:
wäg jo kes programm vorhande isch, versuecht de manu chli zyt z schinde... mues no öper go brünzle? odr es chind gebähre??? u de jonny cha sechs ni verkneife... do hesch du jo erfahrig demit... :lol: nei, ächt... är isch vor sächs wuche papi worde. s publikum findet, das isch e applaus wärt u de jonny hindenache... jo, i chamers ou ni vorstelle... :smilegrin:

bem tagebuech louft alles eigentlech wi immer. de jonny list vor, de manu macht d untertitel.
le chanson d amour chunt hüt ohni französische text us, u so wird dä song ohni grossi sach vorgsunge.

denn chunt de heini uf d bühne. verzellt chli waser macht u chündet de asharan a...schono komisch... wiso het de heini d bühne nach rächts verla? u wo bliibt de rauch? wiso geits so lang, bis de asharan ufd bühne chunt?
ah, da ischer ja... abr irgendöpis isch anders... häääh??? bisis pögged ha... das isch jo de manuuu!!! neeeeei, i velleck!!! so kuul!!! jo, u de chunt speter no de jonny aus heini... i cha nüm!!! suurstoffzält, bitte!!!

de uftritt vom herr schultheiss geit nume öpe zwöi minute... es schiissi ne scho sit 150 shows a, di nummere z spile!!! zägg und wäg ischeeer!!! :lol:

s afrika referat louft nach plan... bem moosambik wird verrate, das nume be 20 shows d lüt de witz nid verstande hei... si alli z bärn gsi... jo, merci!!! nume guet, dasi weiss, das genau dä witz z bärn am beschte verstande wird... ätsch!!! :lol:
de wugudugu versucht immerno mitm glettise sire mamma z telefoniere... u no immer funktionierts ni... schad...
nachem embeweble sim trummele, gits e tanz... jo, de jonny chleidet sech sehr passend... zwar mitem baschtröckli, abr mit schiischueh, schiijagge und eme schiihelm samt brülle... eh, ja... mach de nid, dass uf d schnure flügsch, gäll... chuum isch de jonny dusse, chunt e ganze afrikanische stamm ufd bühne... gseht denn kuul us!!! :lol:

u de heimer afe mal pouse...
pouse??? jo, ni ganz... mir müesse d flyer u d lüüchtstäbli verteile...
4 forever!!! odr wi isch ds gange, gési??? :lol:


~d show, teil zwöi~

de mäge... jo... no immer höcklet är im sündeloch u wartet uf zahlriichi smsmsmsms. miz ir nummere flügt e blonde ängel namens gianfranco über d bühne.

denn wirds no verreckter...
d datingshow... i dänke no, weli vo däne dame wirds äch? u scho steit fescht, dass si hüt es männlechs wäse näme... :lol:
de philipp isch detailhandelsfachmaa. :smilegrin:
de jens het dä name guet chöne i si song iboue.
de harald het allwä scho chli güügelet. wäg... e maa schwanger? joa, es git nüt wos ni git... :smilegrin:
de hanspeter het luschtigi sprüchli druf gha.
u de jk het allwä s vercherte amäldeformular usgfüllt.
de philipp het sech füre hanspeter entschide... de jk scho... was lauf... ou, jo isch jo richtig... :lol:

de fischer, aso de jonathan, u de küde chünde denn de letschte showteil a... abr de jonny wot ni allei vor publikum singe. aso, isch de manu si schlagzüger. denn wird no churz am küde grüeft, daser s mik chli ufestellt.
de manu wird vermisst u woner ufd bühne chunt, wird nacheghaacket... wo bisch gsi? - dis auto händs gad gchlaut... - ich bi hüt mitm taxi do... u jetz geit gar nüt meh uf... de manu improvisiert u meint, s taxi händs gad gchlauet... jo, das isch mir jo gliich... meint denn de jonny...
d aasag wot de manu abr iz ou ni mache... frög doch de gianfranco! - dä hät jetz ganz sicher kä zyyt!!! u so mues halt denn gliich de manu zur tat schrite.

bem italo star wird gchlatschte, was d händ häregäbe. u scho glii druf abe ischs verbi... verbi??? ganz sicher nid scho jetz!!!

nei, d flickflack tenör chöme ou no.
d knickliechtli si am start. übrigens ke einzigi person isch zfrüeh dran gsi!!! THX PEOPLE!!!
auso, di erschti strophe wird im tenor style zum beschte gä u i bi so überwältiget vo de knickliechtli, dasi no fasch s mitsinge vergässe hät... :)

de song isch fertig u s publikum git applaus... ach, was sägi... öpe e füf minütigi standing ovation!!! und d jungs si total begeischteret.
wo denn de applaus gäge s ändi zue geit, meint de jonny, mir sölle ufhöre... si wei ändli go suufe! :smilegrin:
es wird aso no danket. am mänätschment, de tourbegleiterinne, de techniker u sogar am fanclub... i weiss zwar ni, wo si hocke... WOOOOOOOOHOOOOOOO!!! *klatsch*... iz weises defür de ganz saal... :lol:

~nach de show~

jo, denn warte mer no gad chli. mir gö ersch, wo alli dusse si u mer z gfüehl hei, süsch müesse mer no hälfe ufruume.
mir warte ir lounge, wi sech das für hardcories ghört.
denn gömer ou mal e stäge witer ufe, zum outogrammegge.
mir hei no e chlinigkeit zum abschluss vor tour vorbereitet. üsi one and only RHB-memory-box... si wird entgäge gno und uspackt. si hei mega freud dran u bedanke sech ganz härzlech für alles. WAS??? i gloube, nach somene abe hei mir ihne z danke!!!

MERCIIIII, DASS ES EUCH GIIIIIBT!!!!! :)


~thanks to...~

manu u jonny... es hammer programm u de bescht abe ever!!! MERCI!!!
mänätschment... es riese merci, heimer döfe debi si, ber allerletschte hammershow!!!
gizmo... üse webmaster u prix hardcories gwinner!!! THANKS!!! :)
s komitee... wo sech um alles mügleche het kümmeret! thx to you all!!!
hardcories... alli hei öpis zu üsere one and only RHB-memory-box biigstüüret. mir hei es super wägeli voll geniale sache i zwöi, drü wuche zstand bracht u es gseht ganz und gar ni hurtig häredätscht us!!! es ganz es grosses MERCI a euch!!!
de pöscho... schön, das du s meimei und mi unversehrt hesch heibracht!!! :kiss:
denn no es dicks MEERSÖI a alli, woni no vergässe ha!!! ;)

Cheyenne - 1-5-2011 um 20:33

Jetz hani doch gmeint, es seig denn öpe vollständig und denn chunt s Computer Hirni Sekiuriti drhär. Hammer Tussi, eifach Hammer!!!!! Jetz wärde mir nid emotional, mir sins bis mindischtens ins 2012. Irgendwenn hämmer doch glich mol no alli Highlights do vereint:o)))

tanscha - 1-5-2011 um 21:41

hammer brichte thusneldas!!!! :smilegrin:

tanscha - 1-5-2011 um 21:42

i danke au uf däm wäg nomau aune wo drbi si gsi u üs dä hammer geil u unvergässläch abe ermöglecht hei!!!!!!



u natürlech no: aber bluet- und läbärwurscht und äs bierli gägä durscht... das isch fein, das isch fein, das isch feeeeeein! :lol:

tanscha - 2-5-2011 um 00:01

30.04.2011, Sugo

areis

mir (doris, anin u nici) si nach dä drü abgfahre u no dr schesu go uflade! auso aus DJ isch si nid geignet! ;)
mir si de au pünktlech in zug acho.u das scho super gluuuunet u dlachmuskle scho igwermt! de simer zum casino abegloffe u hei dert scho grad fallen angel und meimei atroffe.. u de chöme no grad funny_girl u ihri schwöschter cho ds laufe! danin u i si de no go drhb hole u hei ufem wäg no grad sekiuriti, cheyenne, janine u dmartina atroffe.. de heimeris wieder ufe wäg gmacht zum casino abe... do gsehni hinger üs öpper winke u umefuchtle, do hani dänkt was das fürnä psycho sig wo üs do nachelauft.. woni de gneuer härägluegt ha, hani gmerkt, dass das dnic isch! :) (SORRY, has zersch würklech nid gseh!!!)

mir si de ine go ässä.. äs het ä gruess us dr chuchi gäh u zwar äs spiessli mit tomate, olive u BUFFALO-MOZZARELLA!!! i hami no probiert zämä ds näh.. aber äs het angeri persone am tisch gäh - nenne jetz kei name - wo gredi useglachet hei! :)

de heimer üs de mau ufgmacht richtig saal.. mir si scho fasch dinn gsi, do brätschts hinger mir. i hami umdräit u hinger mir ligt dr äschebächer am bode... dr nici het mit dr RhB nid näbä düre möge.. :)

show

fäuhstart.. nüt gsi.. zersch hei no die zwe herre vom management afo danke sägä u chlei verzeut... u das ä dernière immer speziell sig.. für aui wo no nie eini gseh hei.. jetz gseht dirs..
dr küde isch de füre cho.. bevor die zwe hingere si het är no äm didi.. auso am dietmar - isch jo än dütsche - grüeft u gseit, dass är die fausch musig söu abspiele..

wo die zwe de aus sich säuber si füre cho isch dr banner scho parat gsi.. aber leider heisi nä äuä nid würklech gseh.. naja.. aber ghört hei si üs sicher no paar mau während dr show!!! :)
dmusig isch wieder viu ds lut gsi.. jonny: dütsche schoofsekel a dä technik!
bir begrüessig het dr jonny verzeut, dass är eigentlech jonathan tauft sig.. är heig aber nid gärn wemä ihm so seit... das isch ja grad ä ufforderig gsi füre manu.. vo da a isch är immer wieder jonathan gnennt worde! dr manu het de üs au wöue bichte, dass si kei zyt hei gha zumnäs nöis programm schribe.. i muess äs dä lüt sägä.. jetz sägis: är heisst jonathan... i muess äs öich jetz sägä.. de het ds publikum glachet.. hallo?! i finds nid luschtig!!!!
het de au gfrogt, ob no öpper muess go brünzle.. äs chind gebäre?
dr jonny het de dlüt informiert, dass dr manu vor 6 wuche papi worde isch.. u dr manu het da drzue ganz stouz gmeint: ja, säuber gmacht! nachdäm ds publikum ferti gjohlet het gha seit dr jonny: ja i cha mir das au nid vorsteue!!!
dr manu isch so imnä züg inne gsi, dass dr jonny het gfunge, dass är hingere söu go liege.. do frogt dr manu u du redsch zu dä lüt? ehrewort? versproche? indianer ehrewort! :)

bim tagebuech het dr manu wieder mau kumbaya gsunge u de au no schlaf chindli schlaf.. jonny: heute habe ich meinen liebesbrief von daniela zurückgekriegt und sie hat vielleicht angekreuzt. vor lauter freude habe ich gleich einen salto geschlagen. dr manu chlei überforderet lauft langsam richtig vorhang u meint, dass är das hingerem vorhang macht..
dr manu het ds holzding mit dä saitene dra am jonny wieder mau vou a gring gschlage.. u gmeint: äs heig beidsitig ä chlei ghölelet!!! chum ischer mit äm spiele in fahrt gsi chunnt dr jonny u stoppt näh.. da druf schläckt dr manu dr jonny ab. do seit är: das wirdi vermisse u drum hani mir jetz ä hung kauft! dr manu macht de au äs vorspiu, auso uf dr gitarre wodruf dr jonny het gmeint, dass är hüt abe aus würd dürezieh! no chlei umeblödele u de ischs de los gange mit äm liebeslied..

nach sire asprach isch dr heini hingere... isch lang gange, de hets fang afo rüchne.. aber dr satz: uuuh, äs rüüchnet scho het gfäuht.. u denn.. chunnt doch dr manu aus asharan füre... i bi scho fasch am liege gsi vor lache.. de hets rächts näb mir au fang afo lache...
dr asharan (manu): i gspüre... gspüret dirs o... dr aschiss vom jonny, dass är nähr dr zwaspelheini muess spiele?!
äs choschtet 3.90 ir minute, biuiger aus bim dicksackindianer mike shiva!
i gspüre.... dintelligänz lauft mit ihne... i gspüre aber au... dir sit schnäuer..
dr jonny isch de au aus heini cho füre ds watschle (das chame do irgendwie nid so guet beschriebe).. u het de au grad mau vor luter gabriole sini perücke verlore...
dr heini het de am asharan au immer dri gredt.. de het dr asharan müesse afo schnufe.. de hani scho dänkt, oke.. gli chunnt üse isatz... dä isch leider de nid cho.. dr heini het nämleh gfunge, ob dass presswehe (oder so öppis) sige...

polka.. do sinds mit dr loki imnä meeega tämpo ungerwägs gsi u hei nüm chönne brämse u si vou i vorhang ine.. dr gianfranco het de au grad dperücke verlore...
nach äm sack abenang, het dr küde am gianfranco dperücke no nachegschosse u gmeint, do nimm di pudel no mit! wo dr tobi am gianfranco trocheis gä het zum chüele het dr küde gfunge, sit zwöi johr lueg ich zue wie dä sich dr hode bestübe loht.. . tobi chum gib au mau.. wohlet überhaupt nid!!!!

dr therapeut isch nid lang uf dr bühni gsi.. är het gmeint, dass ihn die nummere sit 150 shows aschisst ds spiele und ufiederluege mitenang!

dr wugudugu isch immer wieder uf dbühni cho.. de het nä dr jonny hingere gstosse u gseit.. ja chum sekle rundherum.. seckle so schnell du kannst... woner änä wieder isch füre cho het dr jonny so da aus wär är mega verchlüpft
während äm referat isch dr wugudugu natürlech wieder mit äm glettise hingerfüre cho... hallo.. jonathan?
nach äm referat het dr jonny gmeint, mä het gmerkt äs si nur 10 lüt wo hüt abe ds erscht mau do si.. das si die wo glachet hei, danke denä 10! im sinn vom kap der guten hoffnung ...ke angst a derä steu het no nie öpper glachet!

afrika-tanz... jonny i vouer schiusrüstig.. bi deune ischs au no lenger gange, bis si gmerkt hei, dass är au no schischueh anne het...dr manu no so: auso das ha ich nid gwüsst!
u de schlieche säch au no 4 witeri stammes mitglieder vom wugudugu uf dbühni.. äm rené isch de dperücke abgheit u dr jonny u dr manu hei säch säuber fasch nüm chönne häbä vor luter lache.. vo däm heisi nüt gwüsst.. u wosi de no gseh hei wie dr marco agleit isch (so soudoofi pufflämpli im afro inne u äs fähli u kei baschtröckli umbunge) hets sä ersch rächt fasch putzt vor lache!
mir hei bi üs au dringendscht äs suuuuurstoffzauht brucht u i ha gmeint i schaffes nüm bis zur pause!!!!

mir hei aui zämä knickliechter u songtexte verteilt... u üs chlei erhout vom lachflash ir erschte heufti!

dr mäge isch jo im momänt immer no ir höu.. aber viellech häufe do jo üsi gschänkli witer!! dr gianfranco isch de au mau mit ängelsflügeli düregschwäbt...

singlekandidat: philippe..
gianfranco: da seit ä stimm.. liebi singlekandidatin auso das bisch de du...
jetz chunnt no än maa.. auso meh oder weniger än maa...
dave: was ischer vo bruef. gianfranco: är isch schwul
dave: u är isch würklech single u längt äm gianfranco wieder mau zwüsche dbei.. wodruf dä meint: das wirdi ab morn au vermisse.. dr dave het aus antwort gäh: glaubmers, ich nöd!
dave: philippe.. hani richtig verstange... philippe... nei.. das glaub ich ja nid.. philippe?! mykonos 2008.... händs dich no los brocht vom hotelbett? da hani jetz fröid..
auso fippsi ganz schnäll.... was wöt ich eigentlich verzelle... äh ja.. ds mikrofon schön vors muul häbä... u muesch gar nid närvös si.. tüüf i beckebode abeschnufe - ich kenn das..
ich wünsche allne ganz viel vergnüege mit üsere homodating-show...
jens: liebe pipo... de heter ds gschichtli verzeut vom giräffle u häsle..
nach dr zwöite frog: jo liebe pipo.. pi pa po... u de heter avo ave maria singe... u hets i ave dr pipo isch mi ma umgwandlet!
dr harald het de gredt bevor är überleit het... min erschte fründ dä isch ä so dünn gsi... woner ä olivu gässä het (de heter scho müesse afo lache), het mär gmeint är sigi schwanger... ou.. da hät mer vorhär söue überlege.. naja.. vorbei, aus die maus...
auso min erschti fründ.. wie het är gheisse...ah ja dr helge... wo mir zwei am see äntscheni gfüetteret hei... süsch ischs normau düre.. auso i däm fau normau abnormau! ;)
dr hanspeter het de gmeint: auso guet müsli.. lueg das isch vo mir: äs isch scheisse we duesch hürote we duesch hürate u di ganz ängland ud wäut duet begaffe.. guet no beschissniger isch we die ganz nacht mit äm baby umelaufsch u am obe aus komiker muesch go schaffe!!! dr manu het de da druf dr stinkefinger zeigt! :)
ds liedli isch ds gliche gsi wie süsch au...
dr JK isch füre cho u het zersch fröid gha ab dr begrüessig.. de isch dr kuschelrockchasperli cho.. do merkt är grad: he das isch ä typ.. hani die fausche amäudeformular usgfüuut.. he was lauft.. gib die fackle übere zur fründin.. nei bisch geile siech, mann... u no äs rosarots schweindli ufem t-shirt!
u so het de dchrista dfroge vorgläsä.. dr jk het gmeint, wie wotsch mit böim schwätze mann.. gohsch mau so easy zum baune ane u chlopfsch a drinde u frogsch: he baum.. hesch du dr jonathan gseh?!
de het är natürlech si song no zum beschte gäh (bim text hets au no ä änderig gäh: mit äm fippsi im jaccuzi umesitze). dr gianfranco isch de das mau dahinger nid nur normau umetanzet.. är het chlei ballet vorgfüehrt u sogar no purzubäumli gmacht...
dentscheidig het de nähr dr fippsi übernoh u het säch fürs 3 entschiede.. dr JK het säch no wöue wehre.. het aber de grad gmerkt, dass äs doch guet sig ä so..dr gianfranco het gfunge: jo mir gfaut das au no so.. JK: was bisch du eigentlech für eine? gianfranco: ich bi da am schaffe.. JK: du bisch geile siech, auso bisch du fründ vom JK.. gianfranco: yeeeeeeeeeeeeeeeeeeeeeeeeeeeeeeeeeeeeeeeeeeeah.. JK: so gfröit hät är sich no nie!

küde: keine vo öis isch nutzlos.. guet was dr blond ängel do hinger macht weiss i au nid! u de isch dinstruktion für dschlussnumere cho.. dr küde het immer wieder übernoh u gfunge, dass dr fischer nid muess drischüsse är sig jo no gar nid pfertig! u mir müesse wüsse, dass dr fischer... jonathan.. dä het scho ganz früeh.. neinei.. dä het nid früeh.. dä het dmusig.. la musigggggge...
küde het de au gfunge, dass är wieder nur umegjagt wird u är das no gniess u dr fischer ä saudotsch sig.. dr jonny het de gmeint: ich fröi mich, we sini tochter igschuelt wird, de cha är ihre ds ritalin äwäg frässe! ou das goht jo no sächs johr.. küde: u jetz no fräch wärde u adöpple scho grad gar nid - nö pas tapplifier (oder so)! :)

italo star.. jonny verteilt unterwösch.. git no amne chline bueb u meint, dr vater näbä dra heig mega fröid!
manu wo bisch du gsi? dis auto händs grad klaut! will ich hüt wot trinke bini mitem taxi da...ämu manu isch do druf nüt igfaue... jonny: ou nei.. mis auto händs klaut? manu: nei, ds taxi händs klaut.. jonny: das isch mir scheissegau! manu: ja aber chunnsch jo nid hei äso...

flick-flack boys... manu: we are the 10 tenors... 8 si geschter drvogloffe... das isch dr jonathan.. sie hei ihri tenorstimme füre gnoh... aui knickliechter si rächtzitig igsetzt worde u äs het eifach hammer geil usgseh!!!! mitgsunge heimer natürlech au.. leider ischs für die wo dr text nid kennt hei chlei schwierig gsi zum läsä im dunkle..aber dliechter hei umso meh gwürkt gha!!! u sogar dr manu het gfunge: äs gseht geil us!
u dr manu isch sogar au vor bühni gheit.. hätts nid dänkt.. het nid grad viu platz gha zum abegheie.. :)
am ändi vom lied hets uf dr bühni no chlei konfetti abe grägnet.. het au ganz geil usgseh!!!

äm schluss hets u längi standing ovations gäh u sie si lang nid zu wort cho u grüehrt gsi.. mir hei de au no wäuene gmacht mit ihne! das hei si ächt verdient!!!! dr manu het agfange: mir danke au denä wo üs ungerstützt hei.. än riiiiiese dank a aune wo üs i dä letschte zwöi johr dbuuude igrännt hei.. aune vora, wo au viel für öis bitreit händ, üsä fanclub.. weiss nid genau wo dir alli hocket... und denn het mäs ir reie 16 ghört umepfiffe, mööge, jodle, klatsche etc. äs het ämu nähr jede gwüsst wo dr fanclub isch ghocket! :)
dr jonny het gseit, dass sie au hüt autogrammwünsch erfüue.. aber das sies pressant hei, wöu si wei go suuufe... de hei si no die ganzi crew u dbühni bätte...

mir si de use u hei no chlei gwartet bis die meiste gange si.. de hei mir üsi RbH-memory-box übergäh... sie hei ei fröid gha.. (video wird no ufeglade) u säch au rächt härzläch bedankt!

die meiste si de au hei.. doris (queen mum), anin, nici, egüüüü (queen), nic u i si no eis go zieh.. zersch simer no chlei dür zug gloffe u hei das schöne lied vom hufi (herbscht) zum beschte gäh.. nähr heimer de ds outo gnoh u si uf baar füre i mäc läberwurscht no eis go zieh do mir ds zug ir nöchi grad kei beiz hei gfunge wo offe het gha.. dert heimer de no äm JK sini gang gseh..
dheifahrt isch au no ganz amüsant gsi.. i hoffe, dass doris no öppis ghört?! ;)

a derä steu danke au nomau aune wo drbi si gsi u öppis drzue bitreit hei!!! u natürlech denä persone wo üs ermöglecht hei ad dernière ds goh!!! MERCI VIU MAU!!!!
u au no uf däm wäg ä dank a herr fischer.. wo dgetränk zauht het! :)

Sekiuriti - 2-5-2011 um 06:52



Chey, würsch Dir das hie bitte merke: Computerhirni = TANSCHA :yes:
Danke! :cool::smilegrin:

Cheyenne - 2-5-2011 um 07:18

Heyyyyy Merci Tanscha, Hammerhammer Bricht sauguet!!! Aber jetz bini jo gspannt, was susch no gsi isch bi dr Dernière. Läck han ich e Löcherbecki. :lol:

Doris - 2-5-2011 um 07:53

Merci viu mau für die super Showbrichte :cool::lol::)!

Sisch ä absolut ober geniale Abe gsi :thumbup:! Bi sehr froh, dass ig ou ha chönne derbi si und ändlech Aui persönlech ha dörfe lehre kenne!

@tanscha: No einisch merci viu mau, dass ig mit Dir ha dörfe mitfahre :kiss::)!

tanscha - 2-5-2011 um 08:12

@ sekiuriti: jo weisch het im momänt wieder meh platz.. ha dschuel ferti u ds franz diplom het no nid agfange! ;)
nei seich.. mir hei geschter geburi gfyret vo nici u anins mami.. de hei mir immer wieder chli drvo gha u so si nid nur mini erinnerige feschtghaute! :smilegrin:

gesi - 2-5-2011 um 08:23

Danke tanscha für dä geil Bricht u das eso grosszügig mit vorhär und nächhär Details umgeisch :lol::lol:
i ha nid es Löcherbecki, i ha eifach eso glachet, dassi das aues glaubeni gar nie mitbecho hätti.... :lol::lol::lol:

tanscha - 2-5-2011 um 08:45

@ gesi: ha dänkt, dass i scho darf erwähne, dass du dqueen bisch (gsi)! ;)

gesi - 2-5-2011 um 09:34

http://www.smilies.4-user.de/include/Winken/smilie_winke_014... jez no es lüchtstäbliringli ufs Schüssle u perjekt isch mis Ebeböud.....:lol::lol:

meimei5Stacks - 2-5-2011 um 11:58

@fallen angel und tanscha: Isch ja mau ganz geil, eui Brichtä, da stuni ausi oh was da würkläch aues so pasiärt isch, ig wüssti nämlech oh nüme aues :no::no:

aber de wetti de doch da de oh mi Bricht de schribä, probiäres ömu de.. ;)

meimei5Stacks - 2-5-2011 um 15:36

30/04/11….the best ever !?!?....Sugo, Dernière.. :D

Solla, das ig mi da oh mau duä derzuämischä…. :smilegrin:
Scho im forus, so fouständig und läng wiä so angeri Brichtli wird’s warschindläch de nid si, aber jeder anfang ist schwer ;);)
Aso gümer mau so äs paar Stung zrugg und schribä dr 30/04/11… so um di 14.45.. No schnau chli stressä, luägä oh ig aues derbi ha (zum Glück de nüt vergässä :no: ) und scho si mis Mami und ig ufem Wäg zum Träfpunkt, wo ig und d’fallen angel abgmacht hei. Wo mir dertä achömä wartet si oh scho … churz no paar Wortli usduschet und denn isches oh scho los gangä.
Mit ächli verspanntem Rüggä, aber guät uf chömemer de z’zug ah ….schon mal gut, loufä zum Casino abä und wär gsemer de dertä?? Jonny samt Kruu .…bi ig aber de gad nervös gsi und hami gfreut . Churz drufabä isch de o scho dr Manu cho z’fahrä, pleuderlet no chli und dennä si si de oh scho wider wägg. Paar minutä speter si de oh scho gad fasch aui Hardcores ufs mau cho, hami umega gfreut, aui mau z’gseh , heis dussä no chli luschtig kah und si de oscho inä fürs ga ässä. Was hets de aues gäh zum ässä, was ?? auso bi mir hets ufjedäfau äs schöns Salat-Däuer gäh und di angerä, weisses gad nümme, ömu öbis, wo so z’Gägäteu vom Vegetarier isch.. :lol: , heis wis oh angers chönti si dert oh luschtig gah. D’Ziit isch aber raasent schnäu verbi gsi und de simmer no Clubbesprächig dussä ga machä , isch de när oh auso fasch aues klärt gsi. D’Wäägversperrig het de oh derzuä gfüärt, dass mir no gad dr Gizmo sammt Frou hei troffä und isch de när oh gad z’Gschänkli übergä worä.


Di legendäri Show faht ah:
Zersch si de noh dr René und Marco, aso d’Mänätscher..oder so ufd Büni cho und hei de no chli vo Suurstoffzäut und meh grett . Aber denn isches so wit di ersti show für mi geit looosss.

Dr Fehlstart… isch eigändläch ganz ä guätä fehlstart gsi, aber derzuä chunt no, dass ig de oh erfahrä ha das dr Didi äbä äh Dütsche sigi und deshaub oh Dietmar gnennt wird. När isches scho losgangä mit usem Churzermligä-T-Shirt schüttlä und da heimer oh erfahrä, dass dr jonny ja eigändläch Jonathan heisst, was fürä Manu gad so richtig i fart bracht het.

Z’Tagebuäch... wöu dr Jonny mit 16ni soo freud het gah, dass d’Daniela vielleicht akrüzt het und ä Salto gmacht het, was aber de dr mano oh liäber hingerem vorhang het wöuä machä.

Heini und Ashi… da ja di ersti reiä nid äso wit empfernt isch gsi, hets dr Heini oh nid so schwär kah mit em spüderlä (het ömu de ganz sicher öber troffä :lol::lol: ). Da ig ja no niä bi ga live luägä ischmer oh nid ufgfauä, dass dr Heini dismau uf di rächti Siitä hingerä isch gloffä, aber scho chli komisch hanis gfungä, wi de dr asharan usgseht, chli angers…. Zersch gad e chline hHäänger kah.. aber woner het afa redä isch aues klaar gsi, das isch ja dr Manu !!! bi fasch verreckt !! Natürläch het när dr Jonny aus Heini dra müäsä, het auso de ganz luschtig usgseh mit perückä .

Therapeut… sägä numä eis: Het aschiss gah und ufwiderluägä !!!

Wugudugu… Z’Referat isch eigändläch no rächt normau gsi, numä hegs nachem Jonny äuä numä no 10 Lüüt da im Saal wo das Programm no niä gseh hei. Nätürläch wider dr berüämt Bäärnerwitz verzeut, aber da isch de äs buä entgägä cho…. Hmm.. vo wäm äch so ?!?! Wo de dr Wugudugu isch fertig gsi mit trummele, wotder natürläch mit em Jonny (aso denn Jonathan gnennt wordä) sis Tänzli forfüärä. De chunt dr Jonny aber mit sammt Schiusrüschtig, was heiss: Heum, Jackä und sogar Schischuä fürä, het auso hammer usgseh !!! Wüus ja de dr letscht tanz isch gsi, bevor är wider us… äää är wider hei geit, chömä doch datsächläch no angeri Wugudugus fürä, aber de mit Perrückä und allem.



Denn isch pousä agseit, aso was heisst hiä pousä?? Iz si mir az Wärck cho, hei schon brav üsi Flyer und Lüüchtstäbli verteut und probiert jedem das oh zerklärä für was das isch. Und wiiter geitz…

Mäge…leider hocket dr Mäge immer no det ungä, i däm Sündäloch und duät doch no gad einisch d’Durchsag vom SMS machä, da flügt doch plötzläch äs ächts Ängeli dürä, äs isch dr Gianfranco gsi. Dr Mäge gad druf abä: ,, Und so einä isch i himu cho ?! und ig hockä da ungä..‘‘

Datingshow…hüt aber mau gaanz angers, meint dr Gianfranco doch, äs git ja oh Männer wo ah Männer freud hegä und deshaub dr Filipp, dä wird när gad sofort vom Dave erkennt: Filipp.. Filipp ?? Naiii Fybsii !! Mykonos 2008, hesch di vom bett chönä losrisä ?? …Mi fasch verputzt Dr Jens het de dr Fybsi oder Filipp oh gad in Pipo umgwandlet und so sis Ave Mari A zu bestä gäh. Dr Harald hät säch das mitem Äntäli füätärä, Broot und schwanger de scho forhär no söuä überleggä…. Z’Värsli vom Hans Peter hani oh gad nümme so im Chopf… Dr’JK meint wo: ,,Was soll de sheiss maan, hani z’fautsche formular usgfüut oder was ??‘‘ Dr Filipp de oh so brav gsi und ds Miik witdergäh. Immer nonid chaners fassä dases Lüt git wo mit meim schwätzä und het bim ga Boum chlopfä oh nid nachem usä cho spilä gfragt, sondern, ob ä rächt dr Jonathan het gseh ??

Italo-Star… isch wenni mi cha dra erinnerä, gloub ganz normau abgloufä…

Flick-Flack Boys….. uiuiuiui, d’Aspannig isch gross gsi, obs äch würkläch klappt mi de Lüüchtstäbli ??..... das isch aber de när schnau ich Hingerchopf grütscht, wüu mäh et äh Tenor bestehend du 10 mitglider (8 si abghouä) chönä bestunnä, läck het uguet tönt !!
UuuNNnd de dürzuä no das wunderbarä Lüchtstäbli-Meer !!! Troumhaft het das usgseh !!!! Unbeschribläch het aues gstummä vor 16tä Reie us het mä das oh wunderschön chönä aluägä, soooo schöööön het das usgseh. Dankä ah aui wo da hei mitghoufä !!


Oh wenis z’erstmau gseh ha, was ja logisch heist di beschti Show vo aunä :smilegrin: .
Isches glich hammer gsi, het mä oh gmerkt a derä längä Staning-Ovation, het garnüm wöuä ufhörä. Äs het gwublet und gcklatschet wi weis nid was aues zämmä !!!
Jonny und Manu hei de ono gad ä so richtigi Konfetti-Duschi bescho und si warschindläch us dr‘ Begeisterig garnümme usächo. Wos när das ganzä doch no äs änd gfungä het, getroutsäch de dr manu z’erstä Wort sägä, äs wird aunä danket vo a derä Show bitreit het, das heisst Mänätscherä, kruu und aui wo d’Shows si cho luägä.
Und oh am club wetti dankä, weis zwar gad nid wonder isch… und de körtmä mumä no äs Wueeeeehh vor 16tä Reie
Het uh spass gmacht !!




Nach dr show heimer de noch chli gwartet bis di meischtä gangä si und si üsi RHB-Box ga über gäh, Jonny und Manu jedes einzelnä Züüg agluägt und glachet und d’Kommentär abgäh. Wo si de vertig si gsi, heisi das ganze Puff no müäsä säuber ufrumä und heisäch bi jedem no mitemä händedruck bedankt :) aber mir üs natürläch oh bedankt für di hammermässigi Show !!!


Iz wett ig oh würkläch aunä dankä, vorauem ar lucia wo mir das ersch ermüglächt het di Show cho z'luägä !!!!!!!!
Aber oh am ganzä club, dasi da scho ganz fescht ha dörfä häufä mitwürkä bim baschtle und organisiärä, MERSSII eifach würkläch für aues !!!!
Ig wetti oh aunä lüt dankä. wo das Lüüchtstäbli-Meer hei mitgfoufä machä, ar tanscha ihrem ehemaligä Scheff oh ;) , aber oh gaanz fescht am Gizmoo, wo ja das da aues het uf di Bei gestellt !!

Wenni no öber vergässä ha eifach maudä :smilegrin::smilegrin:


Dr genialst Abä gsi für mi wos jeh hets giz !!!
So genial !!
Merssi Thusneldas und Pipos ;);)

funny_girl - 2-5-2011 um 19:41

boa ey, das sind jo Hammerbricht, alli zäme. Do merkt mer denn so richtig, was mer alles scho wieder vergesse gha het.
Vor allem de Spruch vom Hanspeter, dä wär mir doch bemeid nüme in Sinn cho...

fallen angel - 2-5-2011 um 19:45

@sekiuriti: weisch, es git lüt mit eifoon u memofunktion... ;)

woohoo!!! das si eifach obermegasuperhaninoniegsehbrichte!!! absolut genial!!! messi thusneldas!!! :)

meimei5Stacks - 2-5-2011 um 19:48

..und fallen Angel prässentiert üs gad z'neustä Verb, wo jetzt oh derzuä köhrt :lol::lol::lol: Isch ja mau ganz geil !!

tanscha - 2-5-2011 um 19:48

@ fallen angel: jo das hätti au no.. ha jo zwöi nachbarsching wo sich au no sache chöi merke.. u do mir üs nid aui a ds gliche hei chönne erinnere, hets nähr so ä bricht gäh! :) :smilegrin:

dä eutere hei mir natürlech au no müesse bricht erstatte..

tanscha - 2-5-2011 um 19:49

@ meimei: super bricht! :thumbup:

meimei5Stacks - 2-5-2011 um 19:50

mersi :):)

Sekiuriti - 2-5-2011 um 20:45

Super Bricht, Meimei! Und d'Chey hesch auso super troffe mit em Smily ... :lol::lol::lol:

Janine - 3-5-2011 um 13:03

hey angers geniali brichte!!!!

mini isch no in arbeit...

Cheyenne - 4-5-2011 um 09:32

Donnerwätter, do chunsch jo nümm noche mit läsääää, hani doch glatt im fallen angel ihre Bricht erscht jetz gläse. Pardoooo:o) Wie chame dä Monschterbricht überseh. Merci viiiiiielmol!!! :thumbup:

Dalio - 4-5-2011 um 12:54

Wow, wow, wow, wow, wow, wow, wow. Das schint jo äääääääächt genial gsi z si. Ich ha nonig Zit für alli Bricht kha, aber dr erschti isch schon super gsi. Und dr SF Bricht het jo au einiges zeigt. Ich mues säge. Also s nöchscht mol mues ich au debi si, egal, was mini Mueter seit. Ich bi parat und vielicht träffe mr uns mol in eim z Basel. Ich will euch unbedingt mol kenne lerne. Also so persönlich :smilegrin: Au wenn ich in letschter Zit nid sehr aktiv bi. :fake sniffle: Sorry, jede brucht mol e Pause. Und wenn ich z oft DM lueg, blibts nüt bsundrigs. Aber ihr chönned sicher si. Ich wird niiie anderi Komiker abätte ;)

Cheyenne - 4-5-2011 um 13:22

Zitat Ursprnglich verfasst von Dalio  
Und wenn ich z oft DM lueg, blibts nüt bsundrigs.


Stimmt, es wird nämlich jedes Mol no besser. :lol::lol::lol:

Dalio - 4-5-2011 um 18:41

@Chey: Scho klar. :) Aber ich glaub das isch mit allem so. Wenn ich mol ei Monet (oder au nur Wuche) nüt mit DM ztue ha, find ichs luschtiger, s wieder z luege. Dänk an dis Lieblingsässe. Wenns jede Tag zum Zmorge, Zmittag, Znacht würdsch ässe. Wie lang würdsch das ushalte?

Nur zum säge. Ich LIIIIIIIIIEB DIVERTIMENTO. Also nid dass ihr meinet, ich finds nüm luschtig ;)

Cheyenne - 4-5-2011 um 18:49

Also ich chönnti Stroganoff zum z Morge zum z Mittag und zum z Nacht ässe. Hätti üüüüberhaupt kei Problem drmit. :lol: :lol: :lol:

Aber wie Dir sicher au scho gmerkt händ, ich bi kei Massstab. :lol:

Es isch aber so gsi, weiss nümm wieviel mol ich das live gseh ha, und jedes Mol isch anders gsi und jedes Mol hani gmeint, es chönn nümm besser wärde. Und jedes Mol bini eines Besseren belehrt worde.

Wenni aber d DVD 3 Mol agluegt ha (guet vo dr Youtube Session mol abgseh), isch es viel. Es goht nüt über e Live-Show und do isch jedi unverglichbar und e Klass für sich... Scho numme, wenn meh d DVD vergliche het und die Show vo däm Joor, denn erscht rächt no d Dernière.....

gesi - 4-5-2011 um 19:02

Naja, d Dernière geit o scho fasch ungerem Name Plan C..... :lol::lol::lol::lol:
Übrigens, die liebi Cheyenne isst de au angers aus Stroganoff.... Cha ig bezüge... So lang dases Peperoni druffe het.... :lol::lol::lol:

Cheyenne - 4-5-2011 um 19:06

Verwüüüüüütscht. Haaahaahaaaaaaa!!!

Und dä Clip uf dr HP mit em Rasemeiher, dä hani jetz sicher 1000 Mol agluegt, und dä isch eifach z'viel!!!! Grööööööööööööööööhllllll!!!


Und glaub mir eins, i lach nach 1000 no viel meh, als bim erschte Mol. :lol:

gesi - 4-5-2011 um 19:15

das geit mir mit denen eso wome nur d chöpf vone gseht... egau ob chläbband, bisi oder der lift... i chönnt abligge vor lache.....:lol::lol::lol:

tanscha - 4-5-2011 um 19:27

das isch eh ä super zytvertrieb!! ;)

gesi - 4-5-2011 um 19:33

Ha grad gseh, dass der Manu de öbbe sötti nöis Profil ade Turnschueh ha..... :lol::lol:

meimei5Stacks - 4-5-2011 um 19:51

...aber am Jonny sini Achsle stinkä doch nid soo fescht :no:
Äs si eifach aui so geil :lol::lol: !!!

Jedesmau wenni uf di Peitsch gangä, muäsi aui Videos zersch 10x aluägä, bisi ändläch das cha machä, wo ig eigändläch hätti wöuä machä :lol::lol: !!!

Auso ig ha di nächstä 10 Mönet ä beschäftigung und dir ??

gesi - 4-5-2011 um 19:55

Normalerwis isches doch der Jonny gsi, wo sech bim Manu beklagt het, är schmöcki daser schwitzi.... :lol::lol::lol:

tanscha - 4-5-2011 um 20:03

jo genau egü.. das stimmt.. är het das immer so nät usdrückt! :)

meimei5Stacks - 4-5-2011 um 20:14

und ig ha garnid gwüsst, dass Eichhörndli im Wasser läbä :lol::lol::lol::lol:

gesi - 4-5-2011 um 20:16

ou s eichhörnli muess mau es bad näh.... ;-)

meimei5Stacks - 4-5-2011 um 20:31

Ig ha gmeint äs eichhörndli düängi de chli entspannter badä.. ... :lol::lol:.. mitem änteli zämmä, de sogar no !! ;)

gesi - 4-5-2011 um 20:33

gröööööööööööööööööl...mach der es bildli... s eichhörnli und s änteli zämme ir badwanne
:lol::lol::lol:

meimei5Stacks - 4-5-2011 um 20:34

:smilegrin::smilegrin: weisch wi härzig... :)

Sekiuriti - 5-5-2011 um 16:54

heit dir scho mau mit Lutsprächer-so-richtig-ufdräit die Peitsch agluegt, und när isch das Füumli cho wo dr Jonny ufdsmau schreit?? Daaaaaaaaaaaaaaaaaaaaaas fahrt de ii ... I ha ja s'Härz i de Hose unge gha! ... Zu dere Peitsch söts gloub no e Bipackzettu gä ... :lol::lol:

gesi - 5-5-2011 um 17:02

hihihihi... hesch wider mau d Lutschprächer uf voll Pulle gha???? du lehrsch das ja o nie....:lol::lol::lol: isch grad es Bisi cho????:lol::lol:

Sekiuriti - 5-5-2011 um 17:21

Bi nid so lernfähig ... :smilegrin:

Eis? .... gloub d'Mieter unger mir hei e Wasserschade ...

gesi - 5-5-2011 um 17:24

gröööööööööööööööööööööööl............... mach der e bildli.............:lol::lol::lol::lol::lol::lol::lol:

Sekiuriti - 5-5-2011 um 17:34

ja die Peitsch darfsch nur ohni vorusgehendi Getränkkonsumation aluege. Oder de nur mit agleite Windle.

gesi - 5-5-2011 um 17:42

Chasch ja der Manu frage öbber der vo der chline ini chönnti entlehne.... :lol::lol::lol: faus Asthmatiker bisch söttisch au vorhär no inhaliere... wäri o vo Vorteu.....:lol::lol: nei, die HP isch der Hammer.... Summer grettet....

Sekiuriti - 5-5-2011 um 18:02

ENTLEHNE???? :lol::lol::lol:

gesi - 5-5-2011 um 18:20

auso viicht besser abchoufe oder eso.... :lol::lol::lol: hach, wie schnäu be doch au e schäiss usehlot...

Sekiuriti - 5-5-2011 um 18:21

Jaja, ou die richtigi Wortwahl wott glehrt si ... ;)

gesi - 5-5-2011 um 18:34

sötti ja eigentlech wüsse....;)

meimei5Stacks - 5-5-2011 um 18:38

aber de scho zersch d'dappä wäschä bevor dä d'Taschtatur alängsch :smilegrin::smilegrin:

Sekiuriti - 5-5-2011 um 18:42

wiso, weni d'windle alege si si ja no trochä :smilegrin:

gesi - 5-5-2011 um 18:48

iiiii dri sit gruuuuusigi.................. so i furz jez ab is träning.... :lol::lol::lol: *sing* what shall we do with the drunken Egüüü, what shall we do with the drunken Egüüü, what shall we do with the drunken Egüüü, early in the Evening!!!!!!!!

Sekiuriti - 5-5-2011 um 18:55

ppppppppppfffffffffffrrrrrrrrrrrrrr .......... zägg und wägg isch siiiieeee ....

gesi - 5-5-2011 um 21:14

zägg, do bini wieder..... :lol::lol: aber nümmi eso fit wie vorhär... uuuuu mir gruuusets morn vorem ufstah... ;-)

:lol::lol:

meimei5Stacks - 20-5-2011 um 20:26

Hm.. weni da so umäluägä.. fählä da nid no äs paar Textli ;)

_have_style_ - 3-6-2011 um 09:09

sonen **! ich han gad wele de text schriibe, bin fascht fertig.. denn gahts eifach uf die siite vorhär und alles isch wäg! das chann jetz nöd sii oder? ich bin so verzwiiflet! :( ich würd mal säge ihr chönnd mal dtoonuufnahm iifordere.. sandere bruucht no es ziitli. sorry nomal.

Cheyenne - 3-6-2011 um 09:56

Jo, das isch mir au scho passiert, drum duenis immer zerscht im Word schriebe und das speicheret automatisch mindestens all 5 Minute. Das passiert mir garantiert nümm. ;)

Ei falsches Chnöpfli, Zägg und wäg isch es... :(

fallen angel - 3-6-2011 um 12:07

ha di gliichi erfahrig gmacht u maches jetz so wi s chey. in word schribe u müglechscht nach jedem satz spichere... :smilegrin:

gesi - 3-6-2011 um 12:55

isch mir au scho passiert... no besser... automatischi spicherig im word au minute... ;) je nach däm i welem tempo das schriiiibsch... :lol::lol::lol::lol::lol:
aber loh der zit.. der sommer isch no läng... :lol::lol::lol:

_have_style_ - 3-6-2011 um 17:39

messi tussis für de tipp! stiig i däm fall au uf word um... :lol:

meimei5Stacks - 3-6-2011 um 21:07

ja ha oh dänkt wenis de schirbä, de scho so dasid cha spichärä und immer wider füräholä ;)

Cheyenne - 3-6-2011 um 21:19

Stellet Euch vor, das wär mit dr Hüehnerpräss passiert, die isch jo quasi fascht am Stück gschriebe worde... so 2 Wuche lang. :lol::lol::lol:

gesi - 3-6-2011 um 22:15

aber im word wo au minute spicheret...:lol::lol::lol::lol::lol:

fallen angel - 4-6-2011 um 09:10

pssst!!! das hätsch iz ni müesse säge... :smilegrin:

Vivi - 17-12-2013 um 15:31

Okey, ich han etzt alles duregläse... Alles... 40 Siite...! Das zieht sich imfall na ;-) Die grossi Helfti gestert Znacht und die anderi Helfti hüt im Zug hei vo de Uni nachere logischerwiis nöd ganz so tolle Prüefig (bin rächt müed gsi nach 2h Schlaf)...
Eui Show-Bricht sind de Hammer! Jede einzelni, ich han immer wieder müesse lache! Ich kenne Plan B vo eim live-Uuftrit und vo de DVD, aber was es da alles für Variatione git isch ja de hammmmmmmer!

Irgendwo i de zweite Helfti vo dem ganze Monster-Thread hets en Abig gäh mit de Sandra und de Daiting-Show. 2. Februar 2011. Bern, Theater National.
De gloorrichi Moment:
Sandra sött frag vorlese, liit aber vor lache scho halbe uf em Bode…
Jens: „die chotzt etz denn na…“
Sandra: „muessi würklich?“
Jens: „Was, chotze?“
(-> gemeint „vorlesen“)

Uiii ganz schlechti Idee gsi im Zug das z läse… Mich hets verdätscht und zwar so richtig heftig! Und im Abteil nebetmir hets zwei netti alti Damene gha, wo mir na hend welle Naastüechli abüüte, will mer Träne nur so abeglofe sind… (Nume so btw sii kenned etz Divertimento au… Aber öbs e sich dadebii um e neui Droge oder um min Ex-Fründ ghandlet het, hends glaubs nöd so ganz gwüsst… Wahrschiindli e Kombination us beidem so a de Träne und em hysterische Lache ah...) :-)

Merci a all die, wo da so tolli Biiträg dezue gleischtet hend!!!!
Plan B isch hammer gsi!

 Seiten:  1  ..  10    12