DivertiMento's Plauder-Lounge

Kei Ahnig vo "kultimulturell"

Rahel - 26-10-2009 um 09:54

Wär cha mir chli verzelle, was so i däm Programm abgange isch? Intressiert mi riesig! Jetz bini aber gspannt........

Dalio - 11-2-2010 um 20:21

das würd mi au interessiere.
hets überhaupt öper fu dene wo do agmäldet sind gseh?

Nic - 11-2-2010 um 22:40

Ja ich, aber chan mi bim beschte Wille nüme drah erinnere. Weiss nur no dass ich fasch abe bin vor Lache und die andere 20 im Feschtzelt ihres Bier interessanter gfunde händ als die zwei Hobby-Clöön uf dr Bühni

Cheyenne - 12-2-2010 um 08:43

@Nic
Heeeeyyyyy, das glaub ich jetz aber nööööööööööd!!! Gopfärdooori!!! Das glaub ich jetz aber nöööööööd!!! Hesch no kei Efeu an de Scheiche? Jo, muesch nid suechäää!!!

DUUUU KENNSCH KULTIMULTURELL????

Nei, weisch, das seit sie erscht jetz??? Hey und denn dä comment uf dr FB-Pinwand vo Dir erscht no, gäll. Ich brich doch ab!!! Ich hätt do gärn e Wortprotokoll gha, pleeeeeease!!!

Das isch denn nid d'Kür do, gäll, das isch Pflicht-Programm!!!

Nic - 12-2-2010 um 09:33

Sorry, nei "kenne" kultimulturell ned. Kei Ahnig meh, nix. Bin mer ned mal sicher öbs kultimulturell gsi isch oder öbs no vorher gsi isch. Weiss nur, dass i mal es Cabaretduo Divertimento imne Festzelt (20 Gäscht, ich die einzig wos interessiert het...) gseh han. Wortprotokoll: Da waren sie, Cabaret Divertimento. Luschtig sinds gsi und guet usgseh händs au. Meh weiss i würkli bim beschte wille ned.

Cheyenne - 12-2-2010 um 09:45

Jä Salüsen zämme. Sag emol, mit was für Spassbierfläschene hocksch denn Du imene Feschtzält umenand??? :mad:

Zitat Ursprnglich verfasst von Nic  
Ja ich, aber chan mi bim beschte Wille nüme drah erinnere.


Jo, super, zerscht go blöffe... :fake sniffle: Aber das nimmi Dir jetz persönlich chrum, dass Du Di nümm dra chasch erinnere. :smilegrin:

Nic - 12-2-2010 um 09:49

Chasch du scho, isss mir doch egaaal. Isch schliesslich jo au öppe drölfefufzg Jahr her.

Und die zwänzg Nase sind wahrschindli au nur dert gsi, will der einzig Ort gsi isch wo me het chönne sitze während em Bier güddere... So nach em Motto: Gib mer no e Fläsche meh und de chönd die verzelle was wänd...

Cheyenne - 12-2-2010 um 09:59

Git mir z'dänke wenn sie nid emol mit Alkohol chönne lache.... was mache denn die bitte anere Samschtig Nomidaag Üebig "einfach ohne alkchohol?" Nei, wötts nid wüsse...

Göhn die alli zum Lache in Chäller???

Definition Spassbrämsi:
"eine Person, die aufgrund einer emotionalen Verstörung nicht imstande ist, an humorvollen Aktivitäten teilzunehmen und diese deshalb durch entsprechende Verhaltensweisen im Keim erstickt"


Nic - 12-2-2010 um 10:13

Ich glaub, s isch sogar irgend e Event bi de Füürwehr gsi...

Sekiuriti - 20-2-2010 um 21:39

Het im 2004 niemer für sis Grosi oder so müesse d Vorusscheidig füre Grand Prix vor Volksmusig ufnä?? Dert si schinbar DivertiMento ufträtte miteme Usschnitt vo Kultimulturell… http://www2.q-x.ch/presse/01_22042004_nag.pdf (guggscht Du Chäschtli)

Jaja, mängisch wärs haut glich guet me würd sörigs ou luege… :smilegrin: Das Feeyyyyyyyyyyr vo där Seeeeeehnsuuuuuuuuuucht …

funny_girl - 20-2-2010 um 22:14

@sekiuritis: vo welem Johr isch das? das muess jo doch scho e rechts Ziitli her si....

Sekiuriti - 20-2-2010 um 22:31

lut Datum links obe vom 2004

gesi - 13-3-2011 um 23:52

Het öbbert vo öich mau probiert s SF azschribe, öb si no Fiummaterial hebet???? :question:

Cheyenne - 14-3-2011 um 08:38

@Gesi, die hän 100%ig keins. :( Aber... die Hoffnung stirbt zuletzt.;) Villicht taucht glich mol no nöime eins uf. Meh weiss es halt eifach nid. :(

gesi - 14-3-2011 um 09:08

Das si de Schofseckle...... Vo aune schiis Sänger vo däm Abe hets Ufnahme, aber vo dene wo würklech sehenswärt si gsi, natürlech nid......:mad:

Cheyenne - 14-3-2011 um 09:11

Das mol chönne sie nüt drfür. Für eimol. ;) Will es git ebe keini professionelle Ufnahme. :( Dr grossi Durchbruch isch jo erscht mit zuvieliSation cho.


gesi - 14-3-2011 um 10:02

Düe de die nid aui ihri sändige komplett archiviere?????? Auso IG würdi das jo mache.....:lol::lol:

gesi - 14-3-2011 um 10:04


auso ig meine im Fau die vom Fernseh nid Divertimento.......;)

Cheyenne - 14-3-2011 um 10:37

Uuuii Pardon, vergiss, wasi gschriebe ha, ich mutier zumene FBler, i hätt villicht obe dra no sölle läse um was es jetz genau goht. Pardon:-) Nei i ha nid bim SF agfrogt.


gesi - 14-3-2011 um 11:11

scho ok, :lol:
meinsch es würd sech lohne mau e afrag z mache?????;)

Cheyenne - 14-3-2011 um 12:58

E Versuech isch es sicher wärt, obwohl ich kultimulturell aso gar nid kenn!

Schätz emol, wird e chliners Vermöge choschte wenn sie so tief im Archiv müen go grabe.

meimei5Stacks - 14-3-2011 um 15:15

...aber weisch wi cool wesi öbis würdä fingä!

gesi - 14-3-2011 um 18:26

Söu mau ganz schüüüch und extrem naiv afroge.....;)

funny_girl - 14-3-2011 um 18:35

Zitat Ursprnglich verfasst von Cheyenne  

Schätz emol, wird e chliners Vermöge choschte wenn sie so tief im Archiv müen go grabe.


Zumol's bim SF irgendwenn (schätzigswiis 2008) mol no en grössere Dateverluscht gha hend...

Aber probiere goht jo über studiere :)

gesi - 14-3-2011 um 22:27

Bi grad am formuliere..... Aber muess nomau e Nacht drüber schlofe..... I due mau aui Pfunzle lösche u lohmi ufs Bett lo gheie..... Aber ohni bösi Musig, süsch vellecki!!!!;)
guet nacht

Sekiuriti - 11-4-2011 um 19:24

gesi, wie loufts mit formuliere?? :lol:

gesi - 12-4-2011 um 11:00

Ui, das hani dämfau vergässe z erwähne... Das Mail isch Mitti letscht Wuche use und i ha afe eso e proforma Mail becho, dass mini Mail bim Support acho sigi u dases schneuscht müglech bearbeitet wärdi....

meimei5Stacks - 12-4-2011 um 11:26

...aso das dönt aber nach öbisem..viläch heimer glück :smilegrin::smilegrin:

Sekiuriti - 13-4-2011 um 16:32

ah, das chönnt sich dämfau no chli zieh ....

gesi - 13-4-2011 um 17:30

ja.....befürchtes......

meimei5Stacks - 13-4-2011 um 18:07

aber az ziäh heimer üs ja scho langsam gwohnt ;) ;)





...wo isch eigändläch mi Kaffi :lol: :lol:

gesi - 13-4-2011 um 21:54

Das isch im Fau eso doof... Jedes mau weni s Mail ufdue und uf der Übersicht gseh, dass es Mail isch cho, de macht mini Pumpi hüpf hüpf..... u när... Nei, e so schiiiiiiis Newslettermails.... aber immer no nüt vor afrog.... Menno.... Bis die Anwort chunnt het mi Fuchsschwanz z Winterfähli.....

gesi - 15-4-2011 um 21:18

Für was zahleni eigentlech dä doof Mitgliderbitrag bi SFR.... We si ihre Chundedienscht eso definiere, dass me nachemene automatische Mail när e Wuche nüt me ghört, de dueni de dä Bitrag doch besser angers investiere... Zum Bispiu i Tickets.... Verfluchte Sch... nonemau.....

Sekiuriti - 18-6-2011 um 17:54

Zitat Ursprnglich verfasst von gesi  
Ui, das hani dämfau vergässe z erwähne... Das Mail isch Mitti letscht Wuche use und i ha afe eso e proforma Mail becho, dass mini Mail bim Support acho sigi u dases schneuscht müglech bearbeitet wärdi....


... schafft äch dr Gianfranco jetz dert? ...

gesi - 18-6-2011 um 18:01

Da au uf der offizielle HP kei Link druffe isch, gange ig jez mau schwär dervo us, dass würkli nüt me existiert...

meimei5Stacks - 18-6-2011 um 20:29

schad.
aber me cha nid immer gwinnä ;)